காலமானாா் முன்னாள் எம்.எல்.ஏ. டி.சி.விஜயன்

திருவொற்றியூா் தொகுதி திமுக முன்னாள் சட்டப் பேரவை உறுப்பினா் டி.சி.விஜயன் (68) உடல் நலக் குறைவு சனிக்கிழமை சென்னையில் காலமானாா்.

திருவொற்றியூா் தொகுதியில் 1996-இல் திமுக சாா்பில் போட்டியிட்டு பேரவை உறுப்பினரானவா் டி.சி.விஜயன். 2011-இல் திருவொற்றியூா் நகா் மன்றத் தலைவராகப் பணியாற்றியவா்.

திமுகவில் நகரத் துணைச் செயலாளா், திருவள்ளூா் மாவட்ட துணைச் செயலாளா் பொறுப்புகளை வகித்துள்ளாா். கடந்த புதன்கிழமை மூச்சுத் திணறல் காரணமாக திருவொற்றியூரில் உள்ள தனியாா் மருத்துவமனையில் தீவிர சிகிச்சை பிரிவில் அனுமதிக்கப்பட்டிருந்த விஜயன் சனிக்கிழமை சிகிச்சை பலனின்றி உயிரிழந்தாா். அவரது இறுதிச் சடங்கு திருவொற்றியூா் மயானத்தில் சனிக்கிழமை நடைபெற்றது.

மறைந்த விஜயனுக்கு மனைவி, ஒரு மகன், மூன்று மகள்கள் உள்ளனா். தொடா்புக்கு: 79040 64427.