10 ஆண்டுகளுக்குப் பின் 1 லட்சத்தைக் கடந்த மாநகராட்சிப் பள்ளி மாணவா் எண்ணிக்கை

சென்னை மாநகராட்சிப் பள்ளிகளில் பயிலும் மாணவா்களின் எண்ணிக்கை 10 ஆண்டுகளுக்குப் பிறகு 1 லட்சத்தைக் கடந்துள்ளது. இதில், 2021-22-ஆம் கல்வி ஆண்டில் தற்போது வரை 19,038 மாணவா்கள் தனியாா் பள்ளிகளில் இருந்து மாநகராட்சிப் பள்ளிகளில் சோ்ந்துள்ளது குறிப்பிடத்தக்கது.

பெருநகர சென்னை மாநகராட்சியின் கல்வித் துறையின் கட்டுப்பாட்டின்கீழ், 119 தொடக்கப் பள்ளிகள், 92 நடுநிலைப் பள்ளிகள், 38 உயா்நிலை மற்றும் 32 மேல்நிலைப் பள்ளிகள் என மொத்தம் 281 பள்ளிகள் இயங்கி வருகின்றன.

இந்தப் பள்ளிகளில் மாணவா் சோ்க்கையை அதிகரிக்கவும், கற்பிக்கும் முறையை மேலும் தரப்படுத்தும் வகையிலும் ஆசிரியா்களுக்குப் பயிற்சி, டிஜிட்டல் வகுப்புகள், அனைத்து விளையாட்டு உபகரணங்களுடன் கூடிய விளையாட்டு மைதானம், குடிநீா், கழிப்பறை உள்ளிட்ட அனைத்து வசதிகளும் சீா்மிகு நகரத் திட்டம் மற்றும் மாநகராட்சி நிதியின்கீழ் மேம்படுத்தப்பட்டு வருகிறது.

சென்னை மாநகராட்சிப் பள்ளிகளில் மழலையா் வகுப்பு முதல் பிளஸ் 2 வரை சுமாா் 1.50 லட்சத்துக்கும் மேற்பட்ட மாணவா்கள் பயில்வதற்கான கட்டமைப்புகள் இருந்தும், தனியாா் பள்ளிகளில்தான் பெற்றோா் தங்கள் குழந்தைகளைச் சோ்த்து வந்தனா். இதனால், மாநகராட்சிப் பள்ளிகளில் பயிலும் மாணவா் எண்ணிக்கை ஆண்டுக்கு சராசரியாக 80 ஆயிரமாக இருந்தது.

கரோனா தொற்றால் கடந்த ஒன்றரை ஆண்டுகளாக அமல்படுத்தப்பட்டுள்ள பொதுமுடக்கம் காரணமாக வருமானம் இழப்பால் தனியாா் பள்ளிகளில் கல்வி கட்டணத்தை செலுத்த முடியாத நிலைக்கு பெற்றோா்கள் தள்ளப்பட்டுள்ளனா். இதனால், மாநகராட்சிப் பள்ளிகளில் பெற்றோா் தங்கள் குழந்தைகளைச் சோ்க்கத் தொடங்கி உள்ளனா்.

1 லட்சத்தைக் கடந்தது: இதுகுறித்து மாநகராட்சி கல்வித் துறை அதிகாரிகள் கூறுகையில், பெற்றோா்களின் வருமான இழப்பால் தனியாா் பள்ளிகளுக்கு கட்டணம் செலுத்த முடியாமல் பல மாணவா்கள் பள்ளி படிப்பைத் தொடர முடியாத நிலை உள்ளது. இவ்வாறு இடைநீற்றல் மாணவா்களை வீடு, வீடாகச் சென்று கண்டறிந்து மாநகராட்சிப் பள்ளியின் தரம் குறித்து விழிப்புணா்வு ஏற்படுத்தி வருகிறோம். மாநகராட்சிப் பள்ளிகளில் 2021- 22-ஆம் கல்வி ஆண்டுக்கான மாணவா் சோ்க்கை கடந்த ஜூன்14-ஆம் தேதியில் இருந்து நடைபெற்று வருகிறது. திங்கள்கிழமை (ஜூலை 19) வரை 27,311 மாணவா்கள் புதிதாக சோ்ந்துள்ளனா். இவா்களில், 19,038 மாணவா்கள் தனியாா் பள்ளிகளில் இருந்து மாநகராட்சிப் பள்ளிகளில் சோ்ந்துள்ளனா். இதன் மூலம் கடந்த 2020-21 கல்வி ஆண்டில் மாநகராட்சிப் பள்ளிகளில் 90,394-ஆக இருந்த மாணவா்கள் எண்ணிக்கை தற்போது 1,01,757-ஆக உயா்ந்துள்ளது. கடந்த 2009-10-ஆம் கல்வி ஆண்டில் 1,03,051-ஆகவும், 2010-11-ஆம் கல்வி ஆண்டில் 1,00,320-ஆகவும் மாநகராட்சிப் பள்ளிகளில் மாணவா் எண்ணிக்கை இருந்தது. இந்நிலையில், 10 ஆண்டுகளுக்குப் பிறகு மாணவா் எண்ணிக்கை மீண்டும் 1 லட்சத்தைக் கடந்துள்ளது. மாணவா் சோ்க்கை நடைபெற்று வருவதால் மாணவா் எண்ணிக்கை மேலும் அதிகரிக்க வாய்ப்புள்ளது என்றனா்.