எம்.ஆா்.விஜயபாஸ்கா் கைது: எடப்பாடி பழனிசாமி கண்டனம்

சென்னை: நில மோசடி புகாரில் அதிமுகவை சோ்ந்த முன்னாள் அமைச்சா் எம்.ஆா்.விஜயபாஸ்கா் கைது செய்யப்பட்டதற்கு அந்தக் கட்சியின் பொதுச்செயலா் எடப்பாடி பழனிசாமி கண்டனம் தெரிவித்துள்ளாா்.

அவா் செவ்வாய்க்கிழமை வெளியிட்ட அறிக்கை: அதிமுக கரூா் மாவட்டச் செயலரும் முன்னாள் அமைச்சருமான எம்.ஆா்.விஜயபாஸ்கா் கைது செய்யப்பட்டுள்ளதற்காக திமுக அரசுக்கு கண்டனம்.

புழல் சிறையில் உள்ள திமுக முன்னாள் அமைச்சா் செந்தில் பாலாஜிக்காக பழிவாங்க வேண்டும் என்ற ஒரே நோக்கத்துடன், சிவில் வழக்கு ஒன்றைக் கையில் வைத்துக்கொண்டு அதீத முறையில் சோதனைகளையும், கைது நடவடிக்கைகளையும் திமுக அரசு செய்கிறது.

அரசியல் காழ்ப்புணா்வோடு திமுக அரசு ஏவும் பொய் வழக்குகள் யாவையும் எம்.ஆா்.விஜயபாஸ்கா் சட்டபூா்வமாக சந்தித்து வெல்வாா் என்று எடப்பாடி பழனிசாமி கூறியுள்ளாா்.