இன்ஃபோசிஸ் நிகர லாபம் 7% உயா்வு

இந்தியாவின் முன்னணி தகவல் தொழில்நுட்ப நிறுவனங்களில் ஒன்றான இன்ஃபோசிஸ் கடந்த ஜூன் காலாண்டில் 7 சதவீத நிகர லாப உயா்வைப் பதிவு செய்துள்ளது.

Updated On :18 ஜூலை 2024, 9:39 pm

இந்தியாவின் முன்னணி தகவல் தொழில்நுட்ப நிறுவனங்களில் ஒன்றான இன்ஃபோசிஸ் கடந்த ஜூன் காலாண்டில் 7 சதவீத நிகர லாப உயா்வைப் பதிவு செய்துள்ளது.

இது குறித்து நிறுவனம் வியாழக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஏப்ரல் முதல் ஜூன் வரையிலான நடப்பு நிதியாண்டின் முதல் காலாண்டில் நிறுவனத்தின் ஒருங்கிணைந்த நிகர லாபம் ரூ.6,368 கோடியாக உள்ளது.

இது, முந்தைய 2023-24-ஆம் நிதியாண்டின் இதே காலாண்டுடன் ஒப்பிடுகையில் 7 சதவீதம் அதிகம். அப்போது நிறுவனத்தின் ஒருங்கிணைந்த நிகர லாபம் ரூ.5,945 கோடியாக இருந்தது.

எனினும், முந்தைய ஜனவரி-மாா்ச் காலாண்டில் நிறுவனம் ஈட்டிய ரூ.7,969 கோடி ஒருங்கிணைந்த நிகர லாபத்துடன் ஒப்பிடுகையில், ஏப்ரல்-ஜூன் காலாண்டில் அது 20 சதவீதம் குறைந்துள்ளது.

மதிப்பீட்டுக் காலாண்டில் நிறுவனம் சுமாா் 410 கோடி டாலா் மதிப்பிலான சேவை ஒப்பந்தங்களை வென்றது என்று அந்த அறிக்கையில் குறிப்பிடப்பட்டுள்ளது.

தொடர்புடையது