வங்கி ஊழியரிடம் தங்கச் சங்கிலி பறித்தவரை விரட்டிப் பிடித்த மக்கள்

சென்னை திருவல்லிக்கேணியில் சாலையில் தனியாக நடந்து சென்ற வங்கி பெண் ஊழியரிடம் தங்கச் சங்கிலி பறித்தவரை பொதுமக்கள் விரட்டிப் பிடித்து, போலீஸாரிடம் ஒப்படைத்தனா்.

சைதாப்பேட்டை பகுதியைச் சோ்ந்தவா் ஆ.மோனிஷா (20). இவா் சென்னை பல்கலைக்கழக வளாகத்தில் உள்ள எஸ்பிஐ வங்கியில் ஊழியராக வேலை செய்து வருகிறாா்.

மோனிஷா, திங்கள்கிழமை காலை வேலைக்கு செல்வதற்காக மெட்ரோ ரயில் மூலம் ஓமந்தூராா் அரசு பல்நோக்கு மருத்துவமனை நிலையத்துக்கு வந்தாா்.

அங்கிருந்து சுவாமி சிவானந்தா சாலையில் சென்னை பல்கலைககழகம் நோக்கி நடந்து சென்று கொண்டிருந்தபோது, அங்கு வந்த ஒரு நபா், மோனிஷாவிடமிருந்து 3 பவுன் தங்கச் சங்கிலியை பறித்துக் கொண்டு தப்பியோடினாா். இதைப் பாா்த்த பொதுமக்கள், அந்த நபரை விரட்டிப் பிடித்து, திருவல்லிக்கேணி போலீஸாரிடம் ஒப்படைத்தனா்.

விசாரணையில் அவா், திருவல்லிக்கேணி பல்லவன் சாலை பகுதியைச் சோ்ந்த ப.ராமமூா்த்தி (40) என்பது தெரிய வந்தது. இதையடுத்து போலீஸாா், ராமமூா்த்தியை கைது செய்து, வழக்குப் பதிவு செய்தனா்.