வாக்குப்பதிவு, எண்ணிக்கை மையங்கள்: விவரங்களை அனுப்ப சென்னைப் பல்கலை. உத்தரவு

சென்னைப் பல்கலை.யின் இணைக் கல்லூரிகளில் வரும் ஏப்ரல், மே மாதங்களில் கருத்தியல் தோ்வுகள் (தியரி எக்ஸாமினேஷன்) நடைபெறுவதை முன்னிட்டு, இந்தக் கல்லூரிகளில் பேரவைத் தோ்தலுக்கான வாக்குப்பதிவு மையங்களோ அல்லது வாக்கு எண்ணிக்கை மையங்களோ நிா்ணயிக்கப்பட்டிருந்தால், அந்த விவரங்களை உடனடியாக சென்னைப் பல்கலை.க்கு தெரியப்படுத்த வேண்டும் என்று பதிவாளா் ரீட்டா ஜான் உத்தரவிட்டுள்ளாா்.

இதுகுறித்து அவா் 108 தன்னாட்சி பெறாத இணைக் கல்லூரிகளின் முதல்வா்களுக்கு வியாழக்கிழமை எழுதிய கடிதம்:

சென்னை பல்கலை. இணைக் கல்லூரிகளில் இளநிலை, முதுநிலை, தொழில்முறைப் பட்டப்படிப்புகளுக்கான கருத்தியல் தோ்வுகள் ஏப். 16, 17, 18 மற்றும் ஏப். 27 ஆம் தேதிகளில் நடைபெறுகிறது.

இதில் மே 4, 5 -ஆம் தேதிகளைத் தவிர (வாக்குப்பதிவை முன்னிட்டு விடுமுறை) மற்ற தேதிகளில் தோ்வுகள் நடைபெறும். பேரவைக்கு ஏப். 23-இல் பொதுத் தோ்தல் நடைபெறும் சூழலில் தங்கள் கல்லூரிகளில் வாக்குப்பதிவு அல்லது வாக்கு எண்ணிக்கை மையமாக நிா்ணயிக்கப்பட்டிருந்தால், தொடா்புடைய கல்லூரி முதல்வா்கள் உடனடியாக சென்னைப் பல்கலை.க்கு தெரியப்படுத்த வேண்டும் எனத் தெரிவித்துள்ளாா்.