சாதனையாளர்களுக்கு விருது

மதுராந்தகத்தை அடுத்த வேலாமூர் ரூரல் ஸ்டார் சமூகத் தொண்டு நிறுவனம் சார்பில், 15-ஆவது ஆண்டு நிறைவு விழா, ஏழை எளிய பெண்கள் மற்றும் மாணவர்களுக்கு நல உதவிகள் வழங்கும் விழா, சாதனையாளர்களுக்கு விருது வழங்கல் ஆகிய முப்பெரும் விழா ஞாயிற்றுக்கிழமை நடைபெற்றது.
விழாவில் ஊராட்சிமன்ற முன்னாள் தலைவர் இரா.துரைவேலு, நிறுவனத் தலைவர் டொமினிக் உள்ளிட்டோர் பங்கேற்றனர். அப்போது, வந்தவாசி மருத்துவர் ரூபன், வெள்ளபுத்தூர் ஊராட்சிமன்ற முன்னாள் தலைவர் விஜயகுமார் உள்ளிட்டோருக்கு சாதனையாளர் விருதுகளும், பொருளாதாரத்தில் பின்தங்கிய ஏழை எளியோர் மற்றும் மாணவ, மாணவியருக்கு நல உதவிகளும் வழங்கப்பட்டன.