விபத்தில்லா தீபாவளி குறித்து விழிப்புணர்வு

நீதிமன்ற உத்தரவுப்படி தீபாவளி நாளில் 2 மணிநேரம் மட்டுமே பட்டாசு வெடிப்பது குறித்து பொதுமக்களிடையே விழிப்புணர்வு ஏற்படுத்தும் வகையில் மணிமங்கலம் போலீஸார் துண்டுப் பிரசுரங்களை வழங்கினர்.
விபத்தில்லாமல் தீபாவளியைக் கொண்டாட அவர்கள் அறிவுறுத்தினர். புகை மற்றும் மாசு குறைந்த பட்டாசுகளை பொதுமக்கள் மற்றும் முதியோர்களுக்கு பாதிப்பில்லாமல் வெடிக்க வேண்டும்; உச்ச நீதிமன்ற உத்தரவுப்படி இரண்டு மணி நேரம் மட்டுமே பட்டாசு வெடிக்க வேண்டும். மீறி வெடித்தால் சட்டப்படி நடவடிக்கை எடுக்கப்படும்; அதிக ஒலி எழுப்பக்கூடிய பட்டாசுகளை வெடிக்கக் கூடாது என பொதுமக்களுக்கு விழிப்புணர்வை ஏற்படுத்தும் வகையில் மணிமங்கலம் காவல் ஆய்வாளர் பாலாஜி தலைமையிலான போலீஸார் படப்பை பஜார் பகுதியில் பொதுமக்கள் மற்றும் வியாபாரிகளுக்கு திங்கள்கிழமை துண்டுப் பிரசுரங்களை வழங்கினர்.