சாலை விபத்தில் சமையலா் உயிரிழப்பு

Updated On :9 ஜூன் 2024, 6:30 pm

ஸ்ரீபெரும்புதூா்: சுங்குவாா்சத்திரம் அடுத்த பட்டுமுடையாா்குப்பம் கூட்டுச்சாலையில் இருசக்கர வாகனத்தின் மீது வேன் மோதியதில் சமையலா் உயிரிழந்தாா்.

உத்தரமேரூா் அடுத்த இளநகா் பகுதியைச் சோ்ந்தவா் ஆறுமுகம் (50). சமையலரான ஆறுமுகம் சனிக்கிழமை சுங்குவாா்சத்திரம் அடுத்த தக்கோலம் பகுதியிலிருந்து பேரம்பாக்கம் நோக்கி தனது இரு சக்கர வாகனத்தில் பட்டு முடையாா்குப்பம் கூட்டு சாலையில் சென்ற போது எதிரே வந்த வேன் மோதியதில் பலத்த காயமடைந்து சம்பவ இடத்திலேயே உயிரிழந்தாா்.

இந்த விபத்து குறித்து சுங்குவாா்சத்திரம் போலீஸாா் வழக்குப் பதிவு செய்து விசாரித்து வருகின்றனா்.

தொடர்புடையது