ஸ்ரீபெரும்புதூா் தெற்கு, வடக்கு ஒன்றிய திமுக செயல்வீரா்கள் கூட்டம்

ஸ்ரீபெரும்புதூா் தெற்கு, வடக்கு ஒன்றியம் மற்றும் ஸ்ரீபெரும்புதூா் நகர வாக்குச்வாசடி நிலை முகவா்கள், பூத் கமிட்டி நிா்வாகிகள் மற்றும் கிளை செயலாளா்களுக்கான ஆலோசனைக் கூட்டம் சுங்குவாா்சத்திரத்தில் வியாழக்கிழமை நடைபெற்றது.

ஸ்ரீபெரும்புதூா் ஒன்றியக்குழு தலைவா் எஸ்.டி.கருணாநிதி தலைமையில் நடைபெற்ற கூட்டத்துக்கு தெற்கு ஒன்றிய செயலாளா் ந.கோபால், நகர செயலாளா் ரா.சதீஷ்குமாா் ஆகியோா் முன்னிலை வகித்தனா். கூட்டத்தில் சிறு, குறு நடுத்தர தொழில் நிறுவனங்கள் துறை அமைச்சா் தா.மோ. அன்பரசன் கலந்து கொண்டு வாக்காளா் பட்டியல் தீவிர சிறப்பு திருத்தப்பணியில் வாக்குச்சாவடி நிலை முகவா்கள், கிளைச்செயலாளா்கள், வாக்குச்சாவடி டிஜிட்டல் ஏஜெண்டுகள் மேற்கொள்ள வேண்டிய பணிகள் குறித்து ஆலோசனை வழங்கினாா்.

ஸ்ரீபெரும்புதூா் தொகுதி தோ்தல் பொறுப்பாளா் பாஸ்கா் சுந்தரம், ஒன்றியக்குழு துணைத்தலைவா் மாலதி போஸ்கோ, தலைமைப் பொதுக்குழு உறுப்பினா் கணேஷ் பாபு, மாவட்ட இளைஞா் அணி துணை அமைப்பாளா் ராமமூா்த்தி, ஒன்றிய இளைஞா் அணி அமைப்பாளா்கள் மனோஜ் குமாா், பால்ராஜ், ஒன்றிய மாணவா் அணி அமைப்பாளா் போஸ்கோ, திமுக நிா்வாகிகள் குன்னம் முருகன், செங்காடு சா்தாா்பாஷா, பொடவூா் ரவி, ஒன்றியக்குழு உறுப்பினா் பரமசிவன், மாவட்ட துணை அமைப்பாளா்கள் வெள்ளாரை அரிகிருஷ்ணன், பண்ருட்டி தணிகாசலம் கலந்து கொண்டனா்.