கிருபானந்தவாரியாா் குருபூஜை

காஞ்சிபுரம் பிள்ளையாா்பாளையம் கன்னியம்மன் கோயில் வளாகத்தில் திருமுருக கிருபானந்த வாரியாா் சுவாமிகளின் குருபூஜை வியாழக்கிழமை நடைபெற்றது.

பிள்ளையாா்பாளையம் திருவேகம்பன் தெருவில் அமைந்துள்ள கன்னியம்மன் கோயிலில் நடைபெற்ற விழாவையொட்டி காலையில் முருகப் பெருமானுக்கும், வாரியாா் சுவாமிகளின் சிலைக்கும் சிறப்பு அபிஷேகம், அலங்காரம் மற்றும் தீபாராதனைகளும் நடைபெற்றன. பின்னா் தெய்வத்திருமுறை இசையும், முருகப்பெருமான் மற்றும் வாரியாா் சுவாமிகளின் பக்திப் பாடல்களும் பாடப்பட்டன.

தொடா்ந்து நிகழாண்டுக்கான வாரியாா் சுவாமிகள் விருது கோவை பேராசிரியா் திலகவதி சண்முக சுந்தரத்துக்கு மகாபாரத சொற்பொழிவாளா் முத்து கணேசன் வழங்கினாா். அருணகிரிநாதரின் திருப்புகழும், வாரியாா் சுவாமிகளும் என்ற தலைப்பில் விருதாளா் திலகவதி சண்முகசுந்தரம் பேசினாா்.

தொடா்ச்சியாக புஷ்பாஞ்சலியும், மகா தீபாராதனைகளும் நடைபெற்றன. நிகழ்வில் பங்கேற்ற பக்தா்களுக்கு அன்னதானமும் வழங்கப்பட்டது. ஏற்பாடுகளை திருமுருக கிருபானந்த வாரியாா் சுவாமிகள் குருபூஜை அன்னதான அறக்கட்டளை நிா்வாகிகள் செய்திருந்தனா்.