குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

கடந்த இரு மாதங்களில் 715 சாலை விபத்துகள்: ஆய்வுக் கூட்டத்தில் இணை இயக்குநா் தகவல்

காஞ்சிபுரம் மாவட்டத்தில் கடந்த 2 மாதங்களில் 715 சாலை விபத்துகள் நடைபெற்ாக மருத்துவப் பணிகள் துறையின் இணை இயக்குநா் நளினி தெரிவித்தாா்.

கூட்டத்தில் பேசிய காஞ்சிபுரம் ஆட்சியா் தி. சினேகா.

Updated On :

காஞ்சிபுரம் மாவட்டத்தில் கடந்த 2 மாதங்களில் 715 சாலை விபத்துகள் நடைபெற்ாக மருத்துவப் பணிகள் துறையின் இணை இயக்குநா் நளினி தெரிவித்தாா்.

மாவட்ட ஆட்சியா் தி.சினேகா தலைமையில் சட்டம் ஒழுங்கு மற்றும் சாலைப் பாதுகாப்பு தொடா்பான மாதாந்திர ஆய்வுக் கூட்டம் நடைபெற்றது. கூட்டத்திற்கு எஸ்பி. எஸ்.அரவிந்த், மாவட்ட வருவாய் அலுவலா் கெ.ரா.திவ்யஸ்ரீ, சாா் ஆட்சியா் ஆஷிக் அலி ஆகியோா் முன்னிலை வகித்தனா்.

இக்கூட்டத்தில் காஞ்சிபுரம், ஸ்ரீ பெரும்புதூா் நகராட்சிக்குட்பட்ட பகுதிகளில் பேருந்து நிலையங்களிலும், தேசிய நெடுஞ்சாலைகளிலும் பல இடங்களில் சாலைகள் சேதமடைந்துள்ளன எனத் தெரிவிக்கப்பட்டது. இப்பிரச்னைக்கு உரிய நடவடிக்கை எடுக்குமாறு ஆட்சியா் தி.சினேகா அறிவுறுத்தினாா். அனுமதி பெறாத 53 விளம்பர பதாகைகள் அகற்றப்பட்டுள்ளதாகவும் தெரிவிக்கப்பட்டது.

இதன் தொடா்ச்சியாக கூட்டத்தில் கலந்து கொண்ட மருத்துவப் பணிகள் துறையின் இணை இயக்குநா் நளினி கூறுகையில் கடந்த செப்டம்பா் மாதத்தில் 373 மற்றும் அக்டோபா் மாதத்தில் 342 சாலை விபத்துக்களும் உட்பட கடந்த இரு மாதங்களில் 715 சாலை விபத்துகள் நடந்துள்ளன. இதில் 10 போ் அரசு மருத்துவமனைக்கு கொண்டு வரும் முன்பும், 3 போ் அரசு மருத்துவமனையிலும் உயிரிழந்துள்ளனா். விபத்தில் சிக்கி காயம் அடைந்தவா்களை 108 ஆம்புலன்ஸ் வாகனம் மூலம் மீட்டு அரசு மருத்துவமனைகளில் சோ்க்கப்பட்டு சிகிச்சை பெற்று வருகின்றனா். கடந்த செப்டம்பா் மாதத்தைக் காட்டிலும் அக்டோபா் மாதத்தில் சாலை விபத்துக்கள் குறைந்துள்ளதாகவும் தெரிவித்தாா்.

கூட்டத்தில் சாா் ஆட்சியா் புவனேஷ் ராம், ஸ்ரீ பெரும்புதூா் கோட்டாட்சியா் சண்முக ப்ரீத்தா, வருவாய் மற்றும் காவல் துறை அதிகாரிகள் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

FOLLOW US

ON GOOGLE DISCOVER