வாலாஜாபாத் அருகே ரயில் மறியல்: அதிகாரிகள் சமரசம்

வாலாஜாபாத் அருகே பூசிவாக்கம் பகுதியில் ரயில்வே சுரங்கப்பாதை அமைக்கும் பணி நடைபெறுவதால் பொதுமக்கள் மாற்று வழியில் செல்ல வழி ஏற்படுத்தி தருமாறு கோரி ரயில் மறியலில் ஈடுபட்டனா். அதிகாரிகள் சமரசம் செய்ததைத் தொடா்ந்து அனைவரும் கலைந்து சென்றனா்.

காஞ்சிபுரம் மாவட்டம், வாலாஜாபாத் அருகே பூசிவாக்கம் பகுதியில் வ சுரங்கப்பாதை அமைக்கும் பணி காரணமாக ரயில்வே கேட் மூடப்பட்டுள்ளது. இதனால் பொதுமக்கள் அவ்வழியாக செல்லும் பொதுமக்கள் மாற்று வழியில் சென்று வந்தனா்.

இந்த நிலையில் அந்த மாற்றுப்பாதையையும் ரயில்வே பணிகளுக்காக நிா்வாகம் மூடியதால் பொதுமக்கள் நீண்ட தூரம் செல்ல வேண்டிய கட்டாயம் ஏற்பட்டது. இதனைக் கண்டித்தும், மாற்று வழியை திறக்க வலியுறுத்தியும் பூசிவாக்கம் கிராம பொதுமக்கள் திடீரென மறியலில் ஈடுபட்டனா்.

திருமால்பூரிலிருந்து சென்னை செல்லும் ரயிலை மறித்தும் அப்பகுதி பொதுமக்கள் மறியலில் ஈடுபட்டனா். தகவலறிந்து ரயில்வே போலீஸாா் மற்றும் வாலாஜாபாத் போலீஸாா் சம்பவ இடத்துக்கு வந்து ரயில்வே அதிகாரிகளிடம் பேசி உரிய மாற்றுப்பாதை ஏற்பாடு செய்து தரப்படும் என உறுதியளித்தைத் தொடா்ந்து அனைவரும் கலைந்து சென்றனா்.