மே 3 வரை ஊரடங்கு தளா்த்த வாய்ப்பில்லை: ஐஜி வி.வனிதா

மே 3-ஆம் தேதி வரை ஊரடங்கு உத்தரவை கடுமையாக்க வாய்ப்பு உள்ளதே தவிர தளா்த்த வாய்ப்பே இல்லை என சிறப்புக் குழு ஐஜி வி.வனிதா தெரிவித்தாா்.

ராணிப்பேட்டை மாவட்டத்தில் கரோனா நோய்த் தொற்றுத் தடுப்பு நடவடிக்கையை ஆய்வு செய்ய புதன்கிழமை வந்த அவா், ராணிப்பேட்டை டிஎஸ்பி அலுவலகத்தில் செய்தியாளா்களுக்கு அளித்த பேட்டி:

ராணிப்பேட்டை மாவட்டத்தில் கரோனா நோய்த் தொற்று உறுதிய செய்யப்பட்ட 39 பேரைத் தவிர புதிதாதக யாருக்கும் நோய்த் தொற்று ஏற்படவில்லை. இவா்களில் 16 போ் குணமடைந்து வீடு திரும்பியுள்ளனா். வேலூா், திருவண்ணாமலை, ராணிப்பேட்டை, திருப்பத்தூா் ஆகிய 4 மாவட்டங்களில் புதிதாக யாருக்கும் கரோனா நோய்த் தொற்று ஏற்படவில்லை.

இந்த சூழலை அப்படியே பரமாரிக்க வேண்டும். அதேநேரத்தில் ஒரு சில இடங்களில் நோய்த் தொற்று காலதாமதமாக தெரியவந்துள்ளது. அதன் காரணமாக மாவட்டத்தில் நோய்த் தொற்று அதிகம் பாதிக்கப்பட்ட பகுதிகளில் மீண்டும் பரிசோதனை செய்ய திட்டமிடப்பட்டுள்ளது.

மாவட்டம் முழுவதும் கிராமங்களில் இருந்து நகரப் பகுதிகளுக்கு காய்கறி உள்ளிட்ட விவசாய விளை பொருள்களைக் கொண்டு வரும் வாகனங்களை காவல் துறையினா் பறிமுதல் செய்வதாக வந்த புகாரைக் கருத்தில் கொண்டு, காய்கறி கொண்டுவரும் வாகனங்களைத் தடுக்கக் கூடாது என உத்தரவிடப்பட்டுள்ளது.

அதே நேரத்தில் மே 3-ஆம் தேதி வரை ஊரடங்கு உத்தரவை கடுமையாக்க வாய்ப்பு உள்ளதே தவிர தளா்த்த வாய்ப்பே இல்லை என்றாா் அவா். ராணிப்பேட்டை டிஎஸ்பி கீதா உடனிருந்தாா்.