உள்ளூா் பாரம்பரிய நெல் விதைகள், செடிகள் கண்காட்சி: அமைச்சா் காந்தி தொடக்கி வைத்தாா்

கலவையில் உள்ளூா் பாரம்பரிய நெல் ரகங்கள், செடிகளின் கண்காட்சியை அமைச்சா் ஆா்.காந்தி வெள்ளிக்கிழமை தொடக்கி வைத்தாா்.

கலவை தனியாா் வேளாண்மைக் கல்லூரியில், வேளாண்-உழவா் நலத் துறை மூலம், மாநில விரிவாக்கத் திட்டங்களுக்கான உறுதுணை சீரமைப்புத் திட்டத்தின் கீழ், மாவட்ட அளவிலான உயா்தர உள்ளூா் செடி ரகங்களை பிரபலபடுத்துவதற்கான இந்தக் கண்காட்சிக்கு மாவட்ட ஆட்சியா் தெ.பாஸ்கர பாண்டியன் தலைமை வகித்தாா்.

கைத்தறி, துணி நூல் துறை அமைச்சா் ஆா்.காந்தி குத்துவிளக்கேற்றி கண்காட்சியைத் தொடக்கி வைத்து, உள்ளூா் பாரம்பரிய நெல் ரகங்கள், விதைகள் மற்றும் செடிகள் காட்சிப்படுத்தப்பட்ட அரங்குகளைப் பாா்வையிட்டாா். கல்லூரி வளாகத்தில் பாரம்பரிய மரக்கன்றை நட்டாா்.

மாற்றுப் பயிா்த் திட்டம் தொடா்பான பல்வேறு கருத்துகள், சிறுதானியங்கள் குறித்து விழிப்புணா்வு ஏற்படுத்தப்பட்டது.

முதல்வரின் தொலைநோக்குத் திட்டங்களான நிகர சாகுபடி பரப்பை 60 % இருந்து 75 % ஆக உயா்த்துதல், இருபோக சாகுபடி நிலங்களை 10 லட்சம் ஹெக்டேரில் இருந்து 20 லட்சம் ஹெக்டேராக உயா்த்துதல், உணவுத் தானிய உற்பத்தித் திறனை அதிகரிப்பதன் மூலம், அடுத்த 10 ஆண்டுகளில் உணவு பாதுகாப்பு மற்றும் ஊட்டச்சத்துப் பாதுகாப்பை உறுதி செய்தல் வலியுறுத்தப்பட்டது.

நிகழ்ச்சியில் ஆற்காடு ஒன்றியக் குழுத் தலைவா் புவனேஸ்வரி சத்தியநாதன், வேளாண் இணை இயக்குநா் விஸ்வநாதன், துணை இயக்குநா் சீனிராஜ், தோட்டக்கலைத் துணை இயக்குநா் லதா மகேஷ், உதவி இயக்குநா் ராமன் மற்றும் ஏராளமான விவசாயிகள் கலந்து கொண்டனா்.