மழை எதிரொலி: இன்றும் பல விரைவு ரயில்கள் ரத்து

கனமழை எதிரொலியாக புதன்கிழமையும் பல ரயில்களை ரத்து செய்து தெற்கு ரயில்வே அறிவிப்பு வெளியிட்டுள்ளது.

புதன்கிழமை ரத்து செய்யப்பட்ட ரயில்கள் விவரம்:

சென்னையில் இருந்து போடிநாயக்கனூருக்கு இரவு 8.30 மணிக்கு புறப்படும் அதிவிரைவு ரயில், ஜோலாா்பேட்டையில் இருந்து சென்னைக்கு காலை 5 மணிக்கு புறப்படும் ஏலகிரி விரைவு ரயில், சென்னையில் இருந்து ஜோலாா்பேட்டைக்கு மாலை 5.55-க்கு புறப்படும் ஏலகிரி விரைவு ரயில், திருப்பதியில் இருந்து சென்னைக்கு காலை 6.25-க்கு புறப்படும் விரைவு ரயில், சென்னையில் இருந்து திருப்பதிக்கு மாலை 4.35-க்கு புறப்படும் விரைவு ரயில், ஈரோட்டில் இருந்து சென்னைக்கு இரவு 9 மணிக்கு புறப்படும் விரைவு ரயில் ஆகியன புதன்கிழமை (அக். 16) ரத்து செய்யப்பட்டுள்ளதாக தெற்கு ரயில்வே செய்திக்குறிப்பில் தெரிவிக்கப்பட்டுள்ளது.