ரத்தினகிரி பாலமுருகன் கோயில் தெப்ப குளத்தில் மங்கள ஆரத்தி வழிபாடு

ராணிப்பேட்டை மாவட்டம் ஆற்காடு அடுத்த ரத்தினகிரி ஸ்ரீ வள்ளி தெய்வானை சமேத பாலமுருகன் கோயிலில் புரட்டாசி மாத கிருத்திகை வழிபாடு புதன்கிழமை நடைபெற்றது.

பரம்பரை அறங்காவலா் பாலமுருகனடிமை சுவாமிகள் முன்னிலையில் மூலவருக்கு பால் தயிா் சந்தனம் விபூதி பன்னீா் இளநீா் உள்ளிட்ட வாசனை திரவியங்கள்மூலம் சிறப்பு அபிஷேகம், வெள்ளி கவச சிறப்பு அலங்காரம், மகா தீபாராதனை நடந்தது. நீண்ட வரிசையில் நின்று பக்தா்கள் சாமி தரிசனம் செய்தனா்.

தொடா்ந்து மாலையில் அலங்கரிக்கப்பட்ட உற்சவா் மேள தாளங்களுடன் ஊா்வலமாக வந்து மலை அடிவாரத்தில் உள்ள அறுகோண தெப்பக்குளத்தில் உள் புறப்பாடு ஊா்வலத்துடன் மங்கள ஆரத்தி காட்டப்பட்டது. இதில் திரளான பக்தா்கள் உபயதாரா்கள் பொதுமக்கள் கலந்து கொண்டு சாமி தரிசனம் செய்தனா்.