அம்மா சிறு மருத்துவமனைகள்: அமைச்சா்கள் திறந்து வைத்தனா்

வாணியம்பாடி சட்டப்பேரவைத் தொகுதி தாசரியப்பனூா், ஜாப்ராபாத், நாட்டறம்பள்ளியை அடுத்த கொத்தூா், ஆம்பூா் தொகுதியைச் சோ்ந்த மதனாஞ்சேரி ஆகிய பகுதிகளில் அம்மா சிறு மருத்துவமனைகளை அமைச்சா்கள் வீரமணி, நிலோபா் திறந்து வைத்தனா்.

விழாவுக்கு திருப்பத்தூா் மாவட்ட ஆட்சியா் ம.ப.சிவன்அருள் தலைமை வகித்தாா். மாவட்ட சுகாதாரத் துறை இணை இயக்குநா் மணிவண்ணன், முன்னாள் எம்எல்ஏ கோவி. சம்பத்குமாா், முன்னாள் மாவட்ட ஊராட்சி உறுப்பினா் சாம்ராஜ் ஆகியோா் முன்னிலை வகித்தனா்.

மாநில வணிகவரி, பத்திரப் பதிவுத் துறை அமைச்சா் கே.சி.வீரமணி, தொழிலாளா் நலத் துறை அமைச்சா் நிலோபா் கபீல் ஆகியோா் சிறு மருத்துவமனைகளைத் திறந்து வைத்து, கா்ப்பிணிகளுக்கு ‘அம்மா’ ஊட்டச்சத்து பெட்டகங்களை வழங்கினா்.

மதனாஞ்சேரி கிராமத்தில் மாலையில் நடைபெற்ற விழாவில் அமைச்சா்கள் வீரமணி, நிலோபா் கபீல் ஆகியோா் அம்மா சிறு மருத்துவமனையைத் திறந்து வைத்தனா். தொடா்ந்து அங்கு அமைக்கப்பட்டிருந்த மேடையில் கா்ப்பிணிகளுக்கு நலத்திட்ட உதவிகளை வழங்க அமைச்சா்கள் சென்றனா்.

திமுக எம்எல்ஏ வாக்குவாதம்: அப்போது மேடைக்கு வந்த ஆம்பூா் எம்எல்ஏ வில்வநாதன், அமைச்சா் வீரமணியிடம் தனது தொகுதியில் நடைபெறும் விழாவுக்கு எம்எல்ஏவான தன்னை முறையாக அழைக்கவில்லை. அரசு விழாக்கான பேனா்களில் தனது பெயா் புறக்கணிக்கப்பட்டுள்ளதாகக் கூறி வாக்குவாதத்தில் ஈடுபட்டாா். அவரை சமாதானம் செய்ய அமைச்சா் வீரமணி முயன்றும் அவா் அதை ஏற்றுக் கொள்ளவில்லை. இதனைத் தொடா்ந்து மேடையை விட்டு இறங்கி எம்எல்ஏ வெளியேறினாா்.

இதுகுறித்து விழாவில் அமைச்சா் வீரமணி பேசியது:

தமிழக அரசு கொண்டு வந்துள்ள அம்மா சிறு மருத்துவமனைத் திட்டத்தை எதிா்க்க வேண்டும் என்ற ஒரே நோக்கத்தில் திமுகவினா் ஈடுபட்டு வருகின்றனா். கடந்த 2 நாள்களுக்கு முன்பு திருப்பத்தூா் அருகே நடந்த அரசு விழாவில் அத்தொகுதி திமுக எம்எல்ஏ பிரச்னையை ஏற்படுத்தினாா். இப்போது இங்கேயும் ஆம்பூா் எம்எல்ஏ அதே போன்று பிரச்னையை ஏற்படுத்தியிருக்கிறாா். மக்களுக்கு நல்ல திட்டங்களை செயல்படுத்தும் இந்த அரசு தொடா்ந்து நீடித்திட உங்கள் அனைவரின் ஒத்துழைப்பும் வேண்டும் என்றாா்.

நிகழ்ச்சியில் மாநில திட்ட மதிப்பீட்டு குழு உறுப்பினா் செந்தில்குமாா், வாணியம்பாடி நகரக் கூட்டுறவு இயக்குநா் சதாசிவம், திருப்பத்தூா் கூட்டுறவு சா்க்கரை ஆலை இயக்குநா்கள் ஜெயசக்தி, சதீஷ்குமாா், முன்னாள் பேரூராட்சி மன்றத் தலைவா் மஞ்சுளாகந்தன், பூங்குளம் ஊராட்சி மன்ற முன்னாள் தலைவா் மகேந்திரன், முன்னாள் பேரூராட்சி மன்ற உறுப்பினா் சரவணன் உள்ளிட்டோா் கலந்து கொண்டனா்.