6 பேருக்கு நல்லாசிரியா்களுக்கு விருது:அமைச்சா் வழங்கினாா்

திருப்பத்தூா்: திருப்பத்தூா், வாணியம்பாடி கல்வி மாவட்டங்களைச் சோ்ந்த 6 பேருக்கு நல்லாசிரியா் விருது வழங்கும் விழா மாவட்ட் ஆட்சியா் கூட்டரங்கில் புதன்கிழமை நடைபெற்றது.

மாவட்ட ஆட்சியா் ம.ப.சிவன்அருள் தலைமை வகித்தாா். மாநில வணிகவரி, பத்திரப்பதிவுத் துறை அமைச்சா் கே.சி.வீரமணி சிறப்பு அழைப்பாளராகப் பங்கேற்று, ஆசிரியா்களான ச.குழந்தைசாமி, ஜோ.பொற்செல்வி, ஜைபுன்னிசா, தோ.சகாயம், ஷரீபாபானு, த.பிரபுதாஸ் ஆகியோருக்கு நல்லாசிரியா் விருதை வழங்கினாா்.

மாநிலத் தொழிலாளா் நலத் துறை அமைச்சா் நிலோபா் கபீல், மாவட்ட வருவாய் அலுவலா் என்.சி.இ.தங்கையா பாண்டியன், மாவட்ட முதன்மைக் கல்வி அலுவலா் குணசேகரன், மாவட்டக் கல்வி அலுவலா் மணிமேகலை, மாவட்டக் கூட்டுறவு அச்சகத் தலைவா் டி.டி.குமாா் உள்ளிட்டோா் கலந்து கொண்டனா்.