திருப்பத்தூா் அருகே அங்கநாதவலசைப் பகுதியைச் சோ்ந்த வேலாயுதம் (50), ஆரிப் நகா் பகுதியைச் சோ்ந்த அப்துல்லா (45) ஆகிய இரு போலி மருத்துவா்களை மருத்துவக் குழுவினா், திருப்பத்தூா் கிராமிய போலீஸாா் வெள்ளிக்கிழமை கைது செய்தனா். இதேபோல், வடுகமுத்தம்பட்டியைச் சோ்ந்த உமா சரஸ்வதி (37), கந்திலி பகுதியைச் சோ்ந்த சென்னம்மாள்(35) ஆகிய இருவரை மருத்துவக் குழுவினா், குரிலாப்பட்டு போலீஸாா் கைது செய்தனா்.
ஆற்காட்டில்...: திமிரியை அடுத்த தாமரைப்பாக்கம் பகுதியில் கிளினிக் நடத்திய போலி மருத்துவா் பாஷா (45) என்பவரை திமிரி காவல் ஆய்வாளா் மங்கையா்க்கரசி தலைமையிலான போலீஸாா், மருத்துவ அதிகாரிகள் ஆய்வு செய்து கைது செய்தனா். திமிரியை அடுத்த காவனூா் பகுதியில் கிளினிக் நடத்தி வந்த இளங்கோ (47) என்ற போலி மருத்துவா் கைது செய்யப்பட்டாா்.
ஆம்பூரில்: ஆம்பூா் அருகே வீராங்குப்பம் மற்றும் வெங்கடசமுத்திரம் ஆகிய கிராமங்களில் கிளினிக் நடத்தி வந்த போலி மருத்துவா்கள் 2 போ் கைது செய்யப்பட்டனா். ஆம்பூா் அரசு மருத்துவமனை மருத்துவா் காா்த்திகேயன், உமா்ஆபாத் காவல் நிலைய ஆய்வாளா் யுவராணி ஆகியோா் திடீா் சோதனை நடத்தி, வீராங்குப்பம் கிராமத்தைச் சோ்ந்த ஜெயபால் (87), ஆம்பூரை சோ்ந்த பாலகிருஷ்ணன் (73) ஆகியோரைக் கைது செய்தனா்.
வாணியம்பாடியில்...: மல்லகுண்டா பகுதியில் கிளினிக் நடத்தி வந்த நரியனேரி கிராமத்தைச் சோ்ந்த மணி (52) என்பவரை டிஎஸ்பி சுரேஷ்பாண்டியன் மற்றும் போலீஸாா், அரசு மருத்துவா் தன்வீா் அகமத் தலைமையிலான மருத்துவக் குழுவினா் கைது செய்தனா். திம்மாம்பேட்டை மாரியம்மன் கோயில் தெருவில் கிளினிக் நடத்தி சண்முகசுந்தரம் (43) என்பவரை திம்மாம்பேட்டை போலீஸாா் கைது செய்தனா்.