அதிமுக மாவட்ட அணி நிா்வாகிகள் நியமனம்

ஆம்பூா்: திருப்பத்தூா் மாவட்ட அதிமுக அணி நிா்வாகிகள் நியமிக்கப்பட்டுள்ளனா்.

அதிமுக பொதுச் செயலாளா் எடப்பாடி கே. பழனிசாமி திருப்பத்தூா் மாவட்ட அதிமுக அணி நிா்வாகிகளை நியமனம் செய்து அறிவிப்பு வெளியிட்டுள்ளாா்.

அதன் விவரம், ஆம்பூா் நகர அவைத் தலைவராக இருந்த கராத்தே கே. மணி அப்பொறுப்பிலிருந்து விடுவிக்கப்பட்டு திருப்பத்தூா் மாவட்ட ஜெயலலிதா பேரவை மாவட்டச் செயலாளராக நியமனம் செய்யப்பட்டுள்ளாா்.

மாதனூா் ஒன்றியக்குழு உறுப்பினரான மிட்டாளம் ஆா். மகாதேவன் திருப்பத்தூா் மாவட்ட விவசாயப் பிரிவு மாவட்ட செயலாளராக நியமிக்கப்பட்டுள்ளாா்.

வேலூா் மண்டல தகவல் தொழில் நுட்பப் பிரிவு இணைச் செயலாளராக இருந்த ஆம்பூா் அருகே தேவலாபுரம் ஊராட்சியை சோ்ந்த வி. கோபிநாத் அப்பொறுப்பிலிருந்து விடுவிக்கப்பட்டு திருப்பத்தூா் மாவட்ட தகவல் தொழில்நுட்பப் பிரிவு மாட்டச் செயலாளராக நியமிக்கப்பட்டுள்ளாா்.

புதிய நிா்வாகிகளுக்கு அதிமுகவினா் வாழ்த்து தெரிவித்தனா். புதிதாக நியமிக்கப்பட்ட நிா்வாகிகள் திருப்பத்தூா் மாவட்ட செயலாளா் மற்றும் முன்னாள் அமைச்சருமான கே.சி. வீரமணியை சந்தித்து வாழ்த்து பெற்றனா்.