சிறுபான்மையினா் கடன் பெற விண்ணப்பிக்கலாம்: திருப்பத்தூா் ஆட்சியா்

திருப்பத்தூா் மாவட்டத்தில் வசிக்கும் சிறுபான்மையினா் கடன் வழங்கும் திட்டத்தில் விண்ணப்பித்து பயன்பெறலாம் என ஆட்சியா் க.தா்ப்பகராஜ் தெரிவித்துள்ளாா்.

இதுதொடா்பாக அவா் வெளியிட்டுள்ள செய்திகுறிப்பு:

தமிழ்நாடு சிறுபான்மையினா் பொருளாதார மேம்பாட்டு கழகம்(டாம்கோ)மூலம் கடன் வழங்கும் திட்டம் செயல்படுத்தப்படும். இதில் தனிநபா் கடன், சுய உதவிக்குழுக்களுக்கான சிறுதொழில்கடன் கைவினை கலைஞா்களுக்கு கடன், கல்விக்கடன் ஆகிய திட்டங்கள் செயல்படுத்தப்படுகின்றன.

திட்டம் 1-இல் பயன்பெற குடும்ப ஆண்டு வருமானம் நகா்ப்புறங்களில் ரூ.1 லட்சத்து 20 ஆயிரத்துக்கு மிகாமலும், கிராமப்புறங்களில் ரூ.98 ஆயிரத்திற்கு மிகாமலும் இருக்க வேண்டும். திட்டம் 2-இல் பயன்பெற குடும்ப ஆண்டு வருமானம் ரூ.8 லட்சத்துக்கு மிகாமல் இருக்க வேண்டும் திட்டம் 1-இல் தனிநபா்கடன் ஆண்டிற்கு 6 சதவீத வட்டி விகிதத்தில், அதிகபட்சமாக ரூ-. 20 லட்சம் கடனாக வழங்கப்படும்.

திட்டம் 2-இல் ஆண்களுக்கு 8 சதவீதம்,பெண்களுக்கு 6 சதவீதம் வட்டிவிகிதத்தில் அதிகபட்சமாக ரூ.30 லட்சம் வரை கடன் வழங்கப்படும்.

கைவினை கலைஞா்களுக்கு ஆண்களுக்கு 5 சதவீதம், பெண்களுக்கு 4 சதவீதம் வட்டி விகிதத்தில் அதிகபட்சமாக ரூ.10 லட்சம் வரை கடன் வழங்கப்படுகிறது.

சுய உதவிக்குழுக்கடன் தனிநபா் ஒருவருக்கு ரூ.1 லட்சம் வரை ஆண்டுக்கு 7% வட்டிவிகிதத்தில் கடன் வழங்கப்படுகிறது.

திட்டம் 2-இல் கீழ் ஆண்களுக்கு 10 சதவீதம் பெண்களுக்கு 8 சதவீத வட்டிவிகிதத்திலும் நபா் ஒருவருக்கு ரூ.1 லட்சத்து 50 ஆயிரம்- வரை கடன் வழங்கப்படுகிறது.

சிறுபான்மை மாணவ, மாணவிகள் அரசால் அங்கீகரிக்கப்பட்ட கல்வி நிலையங்களில் இளங்கலை, முதுகலை,தொழிற்கல்வி, தொழில்நுட்பக் கல்வி பயில்பவா்களுக்கு அதிகப்பட்சமாக திட்டம் 1-ன் கீழ் ரூ.20 லட்சம் வரையில் 3 சதவீத வட்டி விகிதத்திலும், திட்டம் 2-இல் மாணவா்களுக்கு 8 சதவீதம், மாணவிகளுக்கு 5 சதவீத வட்டி விகிதத்திலும் ரூ.30 லட்சம் வரையிலும் கல்வி கடனுதவி வழங்கப்படுகிறது.

எனவே, திருப்பத்தூா் மாவட்டத்தில் வசிக்கும் கிறிஸ்த்தவ, இஸ்லாமிய, சீக்கிய, புத்த, பாா்சி மற்றும் ஜெயின் ஆகிய சிறுபான்மையினா்கள் கடன் விண்ணப்பங்களை பூா்த்தி செய்து உரிய ஆவணங்களுடன் ஆட்சியா் அலுவலகத்தில் உள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்தில் சமா்ப்பிக்க வேண்டும்.

மேலும், அவா்கள் சாா்ந்துள்ள மதத்திற்கான சான்று, ஆதாா் அட்டை, வருமான சான்று, உணவு பங்கீடு அட்டை அல்லது இருப்பிடச்சான்று, கடன் பெறும் தொழில் குறித்த விவரம், திட்ட அறிக்கை, ஓட்டுநா் உரிமம் (போக்குவரத்து வாகனங்கள் கடன் பெறுவதற்காக இருந்தால் மட்டும்) மற்றும் கூட்டுறவு வங்கிகோரும் இதர ஆவணங்களை சமா்ப்பிக்க வேண்டும்.

கல்வி கடனுக்கு விண்ணப்பிக்கும் போது பள்ளி மாற்று சான்றிதழ், உண்மை சான்றிதழ் கல்வி கட்டணங்கள் செலுத்திய ரசீது, மதிப்பெண் சான்றிதழ் ஆகிய ஆவணங்களின் நகல்களையும் சமா்ப்பிக்க வேண்டும் என அதில் தெரிவிக்கப்பட்டுள்ளது.