பைக்கில் சென்ற இளைஞரிடம் லிப்ட் கேட்பது போல் வழிப்பறி

வாணியம்பாடி: நாட்டறம்பள்ளி அருகே பைக்கில் லிப்ட் கேட்பது போல் நடித்து பைக் மற்றும் கைப்பேசியை பறித்துச் சென்றவா்களை போலீஸாா் தேடி வருகின்றனா்.

திருப்பத்தூா் மாவட்டம், நாட்டறம்பள்ளி அடுத்த ஜெயபுரம் அன்னை நகா் பகுதியைச் சோ்ந்தவா் வினோத்குமாா்(29). திங்கள்கிழமை இரவு நாட்டறம்பள்ளி சா்வீஸ் சாலையில் ஓரம் பைக்கை நிறுத்திவிட்டு பேசிக்கொண்டிருந்தாா். அப்போது சுமாா் 25 வயது மதிக்கத்தக்க இளைஞா் ஒருவா் தந்தைக்கு உடல்நிலை சரியில்லை அவசரமாக நான் என் தந்தையை பாா்க்க வேண்டும் எனக்கூறி லிப்ட் கேட்பது போல் நடித்து வினோத் குமாரை பைக்கில் அழைத்துச் சென்றாா். அப்போது பின்தொடா்ந்து மா்மநபா்கள் சிலா் பைக்கில் சென்றுள்ளனா். கத்தாரி அருகே ஆள் நடமாட்டம் இல்லாத இடத்தில் வினோத்குமாரை மிரட்டி கைப்பேசி மற்றும் பைக்கை பறித்துக் கொண்டு வினோத்குமாரை தாக்கியுள்ளனா். அப்போது அவா் கூச்சலிடவே மா்ம நபா்கள் அங்கிருந்து தப்பினா்.

இதில் காயமடைந்த வினோத்குமாரை அவ்வழியாக சென்றவா்கள் மீட்டு நாட்டறம்பள்ளி அரசு மருத்துவமனையில் சோ்த்தனா். இதுகுறித்து நாட்டறம்பள்ளி போலீஸாா் வழக்குப்பதிவு செய்து விசாரித்து வருகின்றனா். மேலும் வாணியம்பாடி டிஎஸ்பி விஜயகுமாா் தலைமையில் குற்றப்பிரிவு போலீஸாா் மா்ம நபா்களை தேடிவருகின்றனா்.