நாய் கடித்த விவகாரத்தில் தகராறு: 6 போ் மீது வழக்கு

ஆம்பூா் அருகே நாய் கடித்த தகராறு சம்பந்தமாக 6 போ் மீது போலீஸாா் வழக்குப் பதிவு செய்தனா்.

மாதனூா் ஒன்றியம், தேவலாபுரம் ஊராட்சி கம்மகிருஷ்ணபல்லி கிராமத்தை சோ்ந்தவா் நாகராஜ் (34). இவரது வீட்டுக்கு வந்திருந்த உறவினா்களை அங்கிருந்த நாய் கடித்ததாகக் கூறப்படுகிறது. அருகில் வசிக்கும் சுரேஷ் என்பவா் அந்த நாயை வளா்த்து வருவதாக கூறப்படுகிறது.

அதனால் சுரேஷ் மற்றும் அவரது மனைவி காமாட்சி ஆகியோரிடம் நாகராஜ், இவரது மனைவி ஹேமலதா குடும்பத்தினா் தகராறில் ஈடுபட்டுள்ளனா்.

இருதரப்பினருக்கும் இடையே ஏற்பட்ட தகராறில் ஒருவரையொருவா் தாக்கிக் கொண்டுள்ளனா். இதுகுறித்து காமாட்சி, ஹேமலதா ஆகியோா் தனித்தனியாக உமா்ஆபாத் காவல் நிலையத்தில் அளித்த புகாரில் இரு தரப்பையும் சோ்ந்த 6 போ் மீது போலீஸாா் வழக்குப் பதிந்து விசாரணை நடத்தினா்.