திருப்பத்தூரில் நவ.20-இல் தனியாா் வேலைவாய்ப்பு முகாம்

திருப்பத்தூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், நவ.20-ஆம் தேதி வெள்ளிக்கிழமை காலை 10 மணி முதல் பிற்பகல் 3 மணி வரை சிறிய அளவிலான தனியாா் வேலைவாய்ப்பு முகாம் நடைபெற உள்ளது.

Updated On :

திருப்பத்தூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், நவ.20-ஆம் தேதி வெள்ளிக்கிழமை காலை 10 மணி முதல் பிற்பகல் 3 மணி வரை சிறிய அளவிலான தனியாா் வேலைவாய்ப்பு முகாம் நடைபெற உள்ளது.

பல்வேறு முன்னணி தனியாா் நிறுவனங்கள் பங்கேற்று தங்களுக்குத் தேவையான பணியாளா்களைத் தோ்வு செய்ய உள்ளன. இம்முகாமில் 8-ஆம் வகுப்பு முதல் பிளஸ் 2 வரை படித்தவா்கள், பட்டதாரிகள், பட்டயப் படிப்பு முடித்தவா்கள், ஐ.டி.ஐ., டிப்ளமோ மற்றும் பொறியியல் பட்டம் பெற்றவா்கள் என அனைத்துக் கல்வித் தகுதி உடையவா்களும் பங்கேற்கலாம்.

வேலைவாய்ப்பு மற்றும் பயிற்சித் துறை சாா்பில் நடத்தப்படும் இம்முகாம், வேலைநாடுநா்கள் மற்றும் வேலை அளிக்கும் நிறுவனங்களுக்கு முற்றிலும் இலவசமாகும். எனவே, தனியாா் துறையில் வேலைவாய்ப்புப் பெற விரும்புவோா் இம்முகாமில் பங்கேற்றுப் பயனடையலாம்.

மேலும் விவரங்களுக்கு, திருப்பத்தூா் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரிலோ அல்லது 04179-222033 என்ற தொலைபேசி எண்ணிலோ அலுவலக வேலை நாள்களில் தொடா்புகொள்ளலாம் என ஆட்சியா் வே. நல்லசிவன் தெரிவித்துள்ளாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.