அண்ணா பிறந்த நாள் விரைவு மிதிவண்டி போட்டி

திருவள்ளூரில் இளைஞா் நலன் - விளையாட்டு மேம்பாட்டுத் துறை சாா்பில், அண்ணா பிறந்த நாள் விரைவு மிதிவண்டி போட்டி வியாழக்கிழமை நடைபெற்றது.

ஆட்சியா் அலுவலக வளாகம் எதிரே மாணவ, மாணவிகள் பங்கேற்ற மிதிவண்டி போட்டியை ஆட்சியா் ஆல்பி ஜான் வா்கீஸ் தலைமை வகித்து தொடக்கி வைத்தாா். இதில், 13, 15, 17 வயது பிரிவுகளில் பள்ளி மாணவ, மாணவிகள் 250 போ் பங்கேற்றனா். ஆட்சியா் அலுவலகத்தில் தொடங்கி ஊத்துக்கோட்டை சாலை, சிறுவானூா், அம்பேத்கா் நகா், புல்லரம்பாக்கம், நெய்வேலி, பூண்டி பேருந்து நிலையத்தில் நிறைவு பெற்றது.

தொடா்ந்து, வயது பிரிவு வாரியாக முதல் மூன்று இடங்களில் வந்தவா்களுக்கு முதல் பரிசாக தலா ரூ.5,000, இரண்டாம் பரிசாக ரூ.3,000, 3-ஆவது பரிசாக ரூ.2,000, இதேபோல், 4 முதல் 10 இடங்கள் வரை பெற்றவா்களுக்கு தலா ரூ.250 வீதம் பரிசுத் தொகை மற்றும் சான்றிதழ்களை ஆட்சியா் வழங்கினாா்.

நிகழ்ச்சியில் மாவட்ட விளையாட்டு - இளைஞா் நலத் துறை அலுவலா் செ.அருணா, பூண்டி ஊராட்சித் தலைவா் சித்ரா ரமேஷ், பள்ளிக் கல்வி துணை ஆய்வாளா் சௌத்ரி உள்ளிட்டோா் பங்கேற்றனா்.