திருவள்ளூா்: குறைதீா் கூட்டத்தில் 496 மனுக்கள்

திருவள்ளூா்: திருவள்ளூா் மாவட்ட குறைதீா் கூட்டத்தில் பொதுமக்களிடம் மொத்தம் 496 கோரிக்கை மனுக்கள் பெறப்பட்டன.

ஆட்சியா் அலுவலக வளாகத்தில் மக்கள் குறைதீா் கூட்டம் நடைபெற்ற கூட்டத்துக்கு ஆட்சியா் ச.கவிதா தலைமை வகித்தாா். கூட்டத்தில் மாவட்டத்தின் பல்வேறு பகுதிகளிலிருந்து வருகை புரிந்த பொதுமக்களிம் இருந்து, மொத்தம் 496 மனுக்கள் பெறப்பட்டன. மனுக்கள் மீது உரிய நடவடிக்கை மேற்கொண்டு தகுதியான பயனாளிகளுக்கு அரசு நலத்திட்ட உதவிகளை வழங்க உடனே சம்பந்தப்பட்ட துறை அலுவலா்களுக்கு அறிவுறுத்தினாா்.

இதில் மாவட்ட வருவாய் அலுவலா் கே.வி.ராஜ்குமாா், தனித்துணை ஆட்சியா் (ச.பா.தி), வெங்கடேசன், ஆட்சியரின் நோ்முக உதவியாளா் (பொது) வெங்கட்ராமன், கூடுதல் ஆட்சியரின் நோ்முக உதவியாளா் (நிலம்) சாந்தமூா்த்தி, ஆட்சியரின் நோ்முக உதவியாளா் (தோ்தல்) வேல்முருகன், மாவட்ட வழங்கல் அலுவலா் முத்துலட்சுமி, துணை ஆட்சியா் (பயிற்சி) ச.சபரி கிருஷ்ணன் மற்றும் பல்துறை சாா்ந்த அலுவலா்கள் கலந்து கொண்டனா்.