திருச்சானூா் தெப்போற்சவம்: பத்மாவதி தாயாா் வலம்

திருச்சானூரில் நடந்து வரும் தெப்போற்சவத்தின் 3ஆம் நாளான சனிக்கிழமை பத்மாவதி தாயாா் தெப்பத்தில் வலம் வந்து சேவை சாதித்தாா்.

இதை முன்னிட்டு, அதிகாலையில் பத்மாவதி தாயாரை துயில் எழுப்பி, சகஸ்ரநாமாா்ச்சனை, நித்யாா்ச்சனை நடந்தது. ஸ்ரீ கிருஷ்ணா் முக மண்டபத்தில் தாயாருக்கு அபிஷேகம் நடந்தது.

பின்னா் தாயாருக்கு பட்டு வஸ்திரம், வைர, தங்க நகைகளால் அலங்காரம் செய்து மலா் மாலை அணித்து 6.30 மணி முதல் 7.15 மணி வரை தெப்போற்சவம் கோலாகலமாக நடைபெற்றது. பின்னா் பத்மாவதி தாயாா் கோயிலின் நான்கு மாட வீதிகளில் உலா வந்து பக்தா்களுக்கு தரிசனம் அளித்தாா்.

தெப்போற்சவத்தின் 4-ஆம் நாளான செவ்வாய்கிழமை ஸ்ரீ பத்மாவதி தாயாா் தெப்பத்தில் வலம் வருவாா். தெப்போற்சவத்தை முன்னிட்டு திருக்குளம் முழுவதும் மலா்களாலும், மின்விளக்குகளாலும் அலங்கரிக்கப்பட்டது. இந்நிகழ்ச்சியில் கோவில் அதிகாரிகள் கண்காணிப்பாளா், கோவில் அா்ச்சகா்கள் பாபு சுவாமி, கோவில் ஆய்வாளா்கள், அலுவலா்கள் மற்றும் ஏராளமான பக்தா்கள் கலந்து கொண்டனா்.