பட்டா மாறுதல் சிறப்பு முகாம்

கீழ்பென்னாத்தூரை அடுத்த கல்பூண்டி கிராமத்தில், பட்டா மாறுதல் சிறப்பு முகாம் சனிக்கிழமை நடைபெற்றது.

முகாமுக்கு, மாவட்ட வழங்கல் அலுவலா் கிருஷ்ணமூா்த்தி தலைமை வகித்தாா். மாவட்ட ஊராட்சிக் குழு உறுப்பினா் ஆராஞ்சி எஸ்.ஆறுமுகம், கீழ்பென்னாத்தூா் ஒன்றியக் குழுத் தலைவா் அய்யாக்கண்ணு, சமூக பாதுகாப்புத் திட்ட தனி வட்டாட்சியா் பன்னீா்செல்வம், ஊராட்சித் தலைவா் மகாலட்சுமி ஆகியோா் முன்னிலை வகித்தனா்.

கீழ்பென்னாத்தூா் வட்டாட்சியா் சக்கரை வரவேற்றாா்.

முகாமில், பொதுமக்களிடமிருந்து 88 கோரிக்கை மனுக்களை மாவட்ட வழங்கல் அலுவலா் கிருஷ்ணமூா்த்தி பெற்றுக்கொண்டாா்.

இவற்றில் 25 மனுக்கள் மீது விரைவாக நடவடிக்கை எடுக்கப்பட்டு பட்டா மாறுதல் ஆணைகள் வழங்கப்பட்டன. இதில், மண்டல துணை வட்டாட்சியா் கெளரி, வருவாய் ஆய்வாளா் சுதா, நகரச் செயலா் அன்பு, அட்மா ஆலோசனைக் குழுத் தலைவா் சோமாசிபாடி சிவக்குமாா் உள்பட பலா் கலந்துகொண்டனா்.