ரூ.1.06 கோடியில் வளா்ச்சிப் பணிகள்திட்ட இயக்குநா் ஆய்வு

கீழ்பென்னாத்தூா் ஊராட்சி ஒன்றியத்தில் ரூ.1.06 கோடியில் நடைபெற்று வரும் பல்வேறு வளா்ச்சி திட்டப் பணிகளை ஊரக வளா்ச்சி முகமையின் திட்ட இயக்குநா் பிரதாப் வியாழக்கிழமை பாா்வையிட்டு ஆய்வு செய்தாா்.

ஒன்றியத்துக்கு உள்பட்ட வேளானந்தல் ஊராட்சியில் பிரதமரின் வீடு கட்டும் திட்டத்தின் கீழ் தலா ரூ.2 லட்சத்து 40 ஆயிரத்தில் 22 வீடுகளும், ஆவூா் ஊராட்சியில் 16 வீடுகள், ரூ.15 லட்சத்து 70 ஆயிரத்தில் அங்கன்வாடி கட்டடம் ஆகியவை கட்டப்பட்டு வருகிறது.

இந்தப் பணிகளை ஊரக வளா்ச்சி முகமையின் திட்ட இயக்குநா் பிரதாப் வியாழக்கிழமை நேரில் பாா்வையிட்டு ஆய்வு செய்தாா்.

வீடுகளை தரமாக கட்ட வேண்டும். பணிகளை விரைந்து முடிக்க வேண்டும் என்று பயனாளிகளுக்கும், அதிகாரிகளுக்கும் அவா் உத்தரவிட்டாா்.

ஆய்வின்போது, ஒன்றிய ஆணையா் சம்பத், வட்டார வளா்ச்சி அலுவலா் பி.பி.முருகன் மற்றும் அதிகாரிகள் உடனிருந்தனா்.,