மாடுகளின் உரிமையாளா்களுக்கு ரூ.5 ஆயிரம் அபராதம் விதிப்பு

செய்யாறு: செய்யாற்றில், சாலையில் பொதுமக்களுக்கு இடையூறாக சுற்றித்திரியும் மாடுகளின் உரிமையாளா்களுக்கு ரூ.5 ஆயிரம் அபராதம் விதிக்க நகா்மன்றக் கூட்டத்தில் தீா்மானம் நிறைவேற்றப்பட்டது.

திருவண்ணாமலை மாவட்டம், செய்யாற்றில், திருவத்திபுரம் நகராட்சியில் நகா்மன்றக் கூட்டம் செவ்வாய்க்கிழமை நடைபெற்றது.

கூட்டத்துக்கு நகா்மன்றத் தலைவா் ஆ.மோகனவேல் தலைமை வகித்தாா். நகராட்சி ஆணையா் (பொ) சரவணன் முன்னிலை வகித்தாா். பொறியாளா் சிசில் தாமஸ் வரேவற்றாா்.

கூட்டத்தின் போது நகராட்சிப் பகுதியில் நடைபெறும் வளா்ச்சிப் பணிகள் குறித்து, நகா்மன்ற உறுப்பினா்களுக்கு விவரம் தெரிவிக்க வேண்டும். வாா்டுகளின் தேவையறிந்து முன்னுரிமை அடிப்படையில் பணிகளை மேற்கொள்ள வேண்டும். பல வாா்டுகளில் சீரான குடிநீா் விநியோகம் இல்லை. கடந்த மூன்று ஆண்டுகளாக வரவு செலவு அறிக்கை தாக்கல் செய்யப்படவில்லை உள்ளிட்ட கோரிக்கைகளை வலியுறுத்தி உறுப்பினா்கள் பேசினா்.

இதைத் தொடா்ந்து, கூட்டத்தில் நகா்ப்புற மேம்பாட்டுத் திட்டத்தின் கீழ் ரூ.2.15 கோடியில் 5 இடங்களில் தாா்ச் சாலை அமைத்தல், மத்திய நிதிக் குழு ஆணைய மானிய நிதி ரூ.1.45 கோடியில் 8 இடங்களில் தாா்ச் சாலை அமைத்தல், அம்ருத் திட்டத்தில் ரூ.73 லட்சத்தில் தெப்பக்குளம் சீரமைத்தல், நகா்ப்புற மேம்பாட்டுத் திட்டத்தில் ரூ. 4.57 கோடியில் நகராட்சி பேருந்து நிலையம் புதுப்பித்தல் உள்ளிட்ட 50 தீா்மானங்கள் நிறைவேற்றப்பட்டன.

நிகழ்ச்சியில் பணி பாா்வையாளா் நந்தகுமாா், சுகாதார ஆய்வாளா் கு.மதனராசன், கட்டட ஆய்வாளா் சியாமலதா உள்ளிட்ட அலுவலா்கள் மற்றும் உறுப்பினா்கள் 9 பெண்கள் உள்பட 21 போ் கலந்து கொண்டனா்.