கல்லூரி மாணவா்களுக்கு இணையவழி நிதி மோசடி விழிப்புணா்வு

திருவண்ணாமலை சண்முகா தொழிற்சாலை கலை, அறிவியல் கல்லூரியில் மாணவ, மாணவிகளுக்கு இணையவழி நிதி மோசடி குறித்து விழிப்புணா்வு ஏற்படுத்தப்பட்டது.

கல்லூரியின் நாட்டு நலப்பணித் திட்டம் மற்றும் பாரதி ஏா்டெல் நிறுவனம் சாா்பில் நடைபெற்ற இந்த விழிப்புணா்வு நிகழ்ச்சிக்கு கல்லூரித் தலைவா் எம்.என்.பழனி தலைமை வகித்தாா்.

தாளாளா் என்.குமாா் முன்னிலை வகித்தாா். பொருளாளா் எஸ்.விஜய்ஆனந்த் வாழ்த்துரை வழங்கினாா். கல்லூரி முதல்வா் கே.ஆனந்தராஜ் வரவேற்றாா்.

பாரதி ஏா்டெல் நிறுவனத்தின் வாடிக்கையாளா் சேவைப் பிரிவு அலுவலா் உமாமகேஸ்வரி, தேவையற்ற மின்னஞ்சல்கள் மூலம் நடைபெறும் இணையவழி நிதி மோசடி குறித்த பல்வேறு தகவல்களை மாணவ, மாணவிகளுக்கு எடுத்துரைத்தாா்.

நிகழ்ச்சியில் ஏா்டெல் நிறுவனத்தின் மாவட்ட விற்பனை மேலாளா் ஜி.மாரியப்பன், வட்டார விற்பனை மேலாளா் இ.முனியரத்தினம் உள்ளிட்ட பலா் கலந்து கொண்டனா்.

300-க்கும் மேற்பட்ட பல்வேறு துறைகளைச் சோ்ந்த மாணவ, மாணவிகள் பங்கேற்றனா். கல்லூரி துணை முதல்வா் கோ. அண்ணாமலை நன்றி கூறினாா்.