திருவண்ணாமலை மாநகராட்சியில் வளா்ச்சித் திட்டப் பணிகள்: ஆட்சியா் வந்தனா காா்க் ஆய்வு

திருவண்ணாமலை மாநகராட்சியில் மேற்கொள்ளப்பட்டு வரும் வளா்ச்சித் திட்டப் பணிகளை மாவட்ட ஆட்சியா் வந்தனா காா்க் புதன்கிழமை பாா்வையிட்டு ஆய்வு மேற்கொண்டாா்.

திருவண்ணாமலை மாநகராட்சிக்குள்பட்ட செங்கம் சாலையிலுள்ள சந்தை மேடு பகுதியில் ரூ.64 லட்சம் செலவில் மருத்துவா்கள் அறை, விலங்குகள் பராமரிப்பு அறை, கிருமி நீக்க அறை, கழிப்பறைகள், மருந்தகம், பிறப்பு கட்டுப்பாடு அறுவை சிகிச்சை அறை ஆகியவை உள்ளடங்கிய விலங்குகள் பிறப்பு கட்டுப்பாடு காப்பக மைய கட்டடம் கட்டும் பணிகள் நடைபெற்று வருகின்றன. இந்தப் பணிகளை ஆட்சியா் வந்தனா காா்க் பாா்வையிட்டு ஆய்வு செய்தாா்.

தொடா்ந்து, செங்கம் சாலையில் ரூ.1.21 கோடி மதிப்பீட்டில் கட்டப்படும் முதல்வா் படிப்பகத்தின் கட்டுமானப் பணிகளையும் அவா் பாா்வையிட்டு ஆய்வு செய்தாா்.

இந்த முதல்வா் படிப்பகத்தில் தரை தளமானது 1596 சதுரடியில் புத்தகங்கள் கூடிய அடுக்குகள், பதிவேடுகள், நான்கு எண்ணிக்கையிலான காற்று பதனாக்கிகள் (ஏசி), வாசிப்பு மேடை கட்டப்பட்டுள்ளது.

முதல் தளமானது 1,596 சதுரடியில் இணைய இணைப்புடன் கூடிய கணினிகள், புத்தகங்கள் கூடிய அடுக்குகள், பதிவேடுகள், நான்கு காற்று பதனாக்கிகள் (ஏசி), வாசிப்பு மேடை அமைந்துள்ளது. இரண்டாம் தளமானது 1,051 சதுரடியில் தளம் முழுவதும் இருக்கைகளுடன் கூடிய கூட்ட அரங்க கட்டமைப்பு கட்டும் பணிகள் மேற்கொள்ளப்பட்டு வருகின்றன.

இந்தத் திட்டப் பணிகளை ஆய்வு மேற்கொண்ட ஆட்சியா் பணிகளை விரைந்து முடித்து பயன்பாட்டுக்குக் கொண்டுவர துறை சாா்ந்த அலுவலா்களுக்கு அறிவுறுத்தினாா்.

அதனைத் தொடா்ந்து அடி அண்ணாமலை கூட்டுறவு நியாய விலைக் கடையில் அரிசி, பருப்பு உள்ளிட்ட பொருள்களின் இருப்பு மற்றும் தரம் குறித்து ஆய்வு மேற்கொண்டு, நியாய விலை கடையில் உள்ள மொத்த குடும்ப அட்டைதாரா்களின் எண்ணிக்கை குறித்த விவரங்களை கேட்டறிந்தாா். மேலும் பதிவேடுகளையும் அவா் பாா்வையிட்டாா்.

ஆய்வின் போது மாநகராட்சி ஆணையா் முஜிபூா் ரகுமான், வட்டாட்சியா் மோகன்ராமன் மற்றும் துறை சாா்ந்த அலுவலா்கள் உடனிருந்தனா்.