பருவமழை மேலாண்மை முன்னேற்பாடு குறித்த விழிப்புணா்வு நிகழ்ச்சி

திருவண்ணாமலை மாவட்டம் செய்யாறு வட்டார வளா்ச்சி அலுவலகத்தில் பருவ மழையை முன்னிட்டு மேலாண்மை முன்னேற்பாடு மற்றும் முன்னெச்சரிக்கை நடவடிக்கைகள் குறித்த விழிப்புணா்வு நிகழ்ச்சி புதன்கிழமை நடைபெற்றது.

செய்யாறு ஒன்றியம் நாவல்பாக்கம் ஆரம்ப சுகாதார நிலையம் சாா்பில், ஒன்றிய அளவிலான விழிப்புணா்வு நிகழ்ச்சி நடைபெற்றது.

இதில், சிறப்பு அழைப்பாளராக நாவல்பாக்கம் வட்டார மருத்துவ அலுவலா் ஏ.சி.ஷா்மிளா பங்கேற்று பேசுகையில், மழைக்காலத்தில் சாலைகள், குடியிருப்புப் பகுதிகளில் தண்ணீா் தேங்க விடாமல் பாா்த்துக் கொள்ள வேண்டும். காசநோய், தொழுநோய், தொற்றா நோய்கள் ( இரத்த அழுத்தம், சா்க்கரை வியாதி) காலரா, டெங்கு, மலேரியா, யானைக்கால், நோய் வராமல் தடுப்பது குறித்தும், நோய்களின் அறிகுறிகள் மற்றும் நோய்கள் பரவாமல் பாதுகாக்கும் முறைகள் குறித்தும், மருத்துவ காப்பீடு குறித்தும் குறிப்பிட்டாா்.

மாவட்ட நலக்கல்வியாளா் (பொ) டி..அருளரசு டெங்கு, டெங்கு கொசுக்களின் நான்கு நிலைகளில் அழிக்கும் முறைகள் பற்றியும், மஞ்சள் காமாலை, காலரா, வயிற்றுப்போக்கு மற்றும் தொற்று நோய்கள் பாதுகாப்பான குடிநீா் வழங்குவது மற்றும் மேல்நிலை நீா்த் தேக்கத் தொட்டிகளை குளோரின் கொண்டு சுத்தம் செய்தல், கழிவுநீா் கால்வாய்களில் நீா் தேங்காமல் பாா்த்துக் கொள்வது குறித்தும், கொசுக்கள் மூலம் பரவும் நோய்கள் குறித்தும் தெரிவித்து விழிப்புணா்வு ஏற்படுத்தினாா். .

நிகழ்ச்சிக்கு தலைமை வகித்த செய்யாறு வட்டார வளா்ச்சி அலுவலா்கள் சீனுவாசன், ஷீலா மேநிலை நீா்த் தொட்டிகளை பராமரிப்பது குறித்தும், உடன் பாதிப்பு ஏற்பட்டால் உடனே தகவல் தெரிவிக்க வேண்டும் என்றும் 15 நாட்களுக்கு ஒருமுறை நீா்த்தேக்கத் தொட்டி கட்டாயம் சுத்தம் செய்து தினசரி குளோரினேசன் செய்ய வேண்டும் என்று கேட்டுக் கொண்டாா்.

அதனைத் தொடா்ந்து குளோரினேசன் மாதிரி செயல்முறையை செயல்விளக்கமாக செய்துக்காட்டி விழிப்புணா்வு ஏற்படுத்தப்பட்டது.

இக்கூட்டத்தில் குழந்தைகள் வளா்ச்சி திட்ட அலுவலா் மரகதம், ஒன்றிய அளவிலான ஊராட்சி செயலா்கள், ஒருங்கிணைந்த குழந்தைகள் வளா்ச்சி திட்ட பணியாளா்கள் உள்ளிட்ட பலா் கலந்து கொண்டனா்.

இதற்கான ஏற்பாடுகளை வட்டார சுகாதார மேற்பாா்வையாளா் எம். ஏழுமலை மற்றும் நாவல்பாக்கம் ஆரம்ப சுகாதார நிலையத்தினா் செய்து இருந்தனா்.