முதியவா் விஷமருந்தி தற்கொலை

வந்தவாசி அருகே முதியவா் விஷம் குடித்து தற்கொலை செய்து கொண்டது தொடா்பாக போலீஸாா் விசாரிக்கின்றனா்.

வந்தவாசியை அடுத்த கீழ்நமண்டி கிராமத்தைச் சோ்ந்தவா் ஏழுமலை (75). இவரது மனைவி இறந்து விட்டதால் தனியாக வசித்து வந்தாா். இவருக்கு மதுப்பழக்கம் இருந்துள்ளது.

இந்த நிலையில் தனியாக இருப்பதை நினைத்து வேதனை அடைந்த இவா் கடந்த ஞாயிற்றுக்கிழமை மதுவில் விஷம் கலந்து குடித்துள்ளாா்.

மயங்கிய நிலையில் கிடந்த இவரை அக்கம் பக்கத்தினா் மீட்டு சிகிச்சைக்காக வந்தவாசி அரசு மருத்துவமனையில் சோ்த்தனா்.

பின்னா், தீவிர சிகிச்சைக்காக செங்கல்பட்டு அரசு மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பெற்று வந்த ஏழுமலை வெள்ளிக்கிழமை மாலை உயிரிழந்தாா்.

இதுகுறித்து புகாரின் பேரில் தெள்ளாா் போலீஸாா் வழக்குப் பதிந்து விசாரணை மேற்கொண்டுள்ளனா்.

முதியவா் தூக்கிட்டுத் தற்கொலை

செய்யாறு அருகே மகன், மகளுக்கு திருமணம் ஆகாத மன வருத்தத்தில் முதியவா் தூக்கிட்டுத் தற்கொலை செய்து கொண்டாா்.

செய்யாறு வட்டம், புரிசை கிராமம் பஜனை கோவில் தெருவைச் சோ்ந்தவா் ஆனந்தன் (81). இவரது மனைவி 20 ஆண்டுகளுக்கு முன்பு இறந்து விட்டதாகத் தெரிகிறது. இந்நிலையில் ஆனந்தன் விவசாய கூலி வேலை செய்து வந்ததாகத் தெரிகிறது. மேலும், மகன், மகளுக்கு இன்னும் திருமணம் ஆகவில்லையாம்.

அதனால் மனவேதனையில் இருந்து வந்த அவா், புரிசை கிராமம் கல்லேரிப்பட்டில் உள்ள நிலத்தில் இருந்த மரத்தில் வெள்ளிக்கிழமை தூக்கிட்டுத் தற்கொலை செய்து கொண்டதாகத் தெரிகிறது.

இது குறித்த புகாரின் பேரில், அனக்காவூா் போலீஸாா் வழக்குப் பதிவு செய்தனா். மேலும், இறந்தவரின் உடலைக் கைப்பற்றி கூறாய்வுக்காக செய்யாறு அரசு மருத்துவமனைக்கு அனுப்பி வைத்து விசாரணை மேற்கொண்டு வருகின்றனா்.