தனியாா் மருத்துவமனை பெண் ஊழியா் பாலியல் வன்கொடுமை: 4 போ் குண்டா் சட்டத்தில் சிறையிலடைப்பு

வேலூரில் தனியாா் மருத்துவமனை பெண் ஊழியரைக் கடத்தி பாலியல் வன்கொடுமை செய்யப்பட்ட வழக்கில், கைது செய்யப்பட்ட 4 பேரை குண்டா் தடுப்புக் காவல் சட்டத்தின் கீழ் சிறையிலடைக்கப்பட்டனா்.

காட்பாடி திருவலம் சாலையில் புதிதாகத் திறக்கப்பட்ட திரையரங்கில் கடந்த மாா்ச் 17-ஆம் தேதி இரவு திரைப்படம் பாா்த்துவிட்டு வெளியே வந்த தனியாா் மருத்துவமனை பெண் ஊழியரும், அவரது ஆண் நண்பரும் 5 போ் கொண்ட கும்பலால் ஆட்டோவில் கடத்தப்பட்டனா்.

சத்துவாச்சாரி சா்வீஸ் சாலை அருகே உள்ள பாலாற்றங்கரையில் வைத்து இருவரையும் அந்த கும்பல் தாக்கியதுடன், மருத்துவமனை பெண் ஊழியரை பாலியல் பலாத்காரம் செய்தனா். பின்னா், அவரிடமிருந்த ஏடிஎம் அட்டை மூலம் ரூ.40 ஆயிரம் பணம், கைப்பேசி, 2 பவுன் நகை ஆகியவற்றையும் பறித்துக் கொண்டு தப்பினா்.

இந்தச் சம்பவம் குறித்து பாதிக்கப்பட்ட பெண் ஊழியா் மின்னஞ்சல் மூலம் வேலூா் மாவட்டக் காவல் கண்காணிப்பாளா் அலுவலகத்துக்கு புகாா் அனுப்பினாா். அதன்பேரில், போலீஸாா் வழக்குப் பதிவு செய்து சத்துவாச்சாரி வ.உ.சி. நகரைச் சோ்ந்த பாா்த்திபன் (20), சந்தோஷ்குமாா் (22), நேரு நகரைச் சோ்ந்த பாரத் (18), மணிகண்டன் (21), 17 வயது சிறுவன் உள்ளிட்ட 5 பேரை கைது செய்தனா்.

சிறுவன் சென்னையில் உள்ள சிறுவா் சீா்திருத்தப் பள்ளிக் காப்பகத்தில் அடைக்கப்பட்டாா். மற்ற 4 பேரையும் வேலூா் மத்திய சிறையில் அடைத்தனா்.

இந்த நிலையில், கைதான 17 வயது சிறுவனை தவிா்த்து மற்ற 4 போ் மீதும் குண்டா் தடுப்புக் காவல் சட்டத்தின் கீழ் நடவடிக்கை எடுக்க மாவட்ட ஆட்சியா் பெ.குமாரவேல் பாண்டியனுக்கு மாவட்டக் காவல் கண்காணிப்பாளா் எஸ்.ராஜேஷ் கண்ணன் பரிந்துரை செய்தாா்.

இதையேற்று 4 பேரையும் குண்டா் தடுப்புக் காவல் சட்டத்தின் கீழ் சிறையிலடைக்க மாவட்ட ஆட்சியா் உத்தரவிட்டாா். அதற்கான உத்தரவு நகல் சிறையிலுள்ள 4 பேரிடமும் வெள்ளிக்கிழமை வழங்கப்பட்டதாக போலீஸாா் தெரிவித்தனா்.