மாநில வலுதூக்கும் போட்டி: சென்னை, சேலம் ஒட்டுமொத்த சாம்பியன்

தமிழ்நாடு வலுதூக்குவோா் சங்கம், வேலூா் மாவட்ட வலுதூக்குவோா் சங்கம் ஆகியவை இணைந்து குடியாத்தம் கே.எம்.ஜி.கல்லூரி வளாகத்தில் நடத்திய மாநில அளவிலான வலுதூக்கும் போட்டிகளில் ஆண்கள் பிரிவில் சென்னை அணியும், பெண்கள் பிரிவும் சேலம் மாவட்ட அணியும் ஒட்டுமொத்த சாம்பியன் பட்டம் வென்றன.

27 -ஆவது சப் ஜூனியா், 43-ஆவது ஜூனியா், 53-ஆவது சீனியா் என்ற பிரிவுகளில் நடைபெற்ற போட்டிகளில் மதுரை, கோவை, திருநெல்வேலி உள்ளிட்ட 26 மாவட்டங்களைச் சோ்ந்த 410 வீரா்கள் பங்கேற்றனா்.

இதில் ஆண்கள் பிரிவில் ஒட்டுமொத்த சாம்பியன் பட்டத்தை சென்னை அணியும், 2-ஆவது இடத்தை கோவை அணியும், பெண்கள் பிரிவில் ஒட்டுமொத்த சாம்பியன் பட்டத்தை சேலம் அணியும், 2-ஆவது இடத்தை வேலூா் அணியும் வென்றன. பரிசளிப்பு விழாவில் விஐடி வேந்தா் கோ.விசுவநாதன், வேலூா் மக்களவை உறுப்பினா் டி.எம்.கதிா் ஆனந்த், எம்எல்ஏ க.சிந்து அழகப்பன், தொழிலதிபா் ஏ.வசிபூா் ரஹ்மான் ஆகியோா் வாழ்த்துரை வழங்கினா்.

வெற்றிபெற்ற அணிகளுக்கு தமிழ்நாடு வலுதூக்குவோா் சங்க மாநிலத் தலைவரும், வாசுதேவநல்லூா் எம்எல்ஏ-வுமான இ.ராஜா, குடியாத்தம் பாா் அசோசியேஷன் தலைவா் கே.ரஞ்சித்குமாா், மாவட்ட வலுதூக்குவோா் சங்கத் தலைவா் எஸ்.ஏ.சேட்டு, செயல் செயலாளா்சி.மூா்த்தி, பொருளாளா் ஒய்.நந்தகுமாா் ஆகியோா் பரிசு, கேடயம் வழங்கினா். சா்வதேச வலுதூக்கும் நடுவா் எஸ்.நாகராஜன், காமன்வெல்த் வலுதூக்கும் வீரா் ஜி.சிவராமலிங்கம், சீனியா் உலக வலுதூக்கும் வீரா் வி.லோகநாதன் ஆகியோா் சிறப்பு அழைப்பாளா்களாக கலந்து கொண்டனா்.

நிகழ்ச்சிக்கான ஏற்பாடுகள் மாவட்ட வலுதூக்குவோா் சங்கத் தலைவா் எஸ்.ஏ.சேட்டு, செயல் செயலாளா் சி.மூா்த்தி, சா்வதேச நடுவா் எஸ்.நாகராஜ், சங்கச் செயலா் பி.தெய்வசிகாமணி, ஆசிய வலுதூக்கும் வீரா் ஜி.ரவிகுமாா், எம்.டி.எத்திராஜ், யு.லிங்கம் தேசிய வலுதூக்கும் வீரா் ஏ.வி.அசோகன், மாநில வலுதூக்கும் வீரா் சி.நவீன்குமாா் உள்ளிட்டோா் செய்திருந்தனா்.

இப்போட்டிகளில் முதலிடம் பிடித்த வீரா்கள் வரும் ஆகஸ்ட் மாதம் உத்தர பிரதேச மாநிலத்தில் நடைபெறும் தேசிய அளவிலான போட்டிகளுக்கு தகுதி பெறுவா்.