அரசுப் பள்ளிகளில் 11,773 பயிற்றுநர்களுக்கு மாத தொகுப்பூதியம் ரூ. 2,500 உயர்வு - அரசாணை வெளியீடுமேற்காசியா, வளைகுடாவில் போர்ச் சூழல் - இந்தியாவின் முட்டை ஏற்றுமதி முடக்கம்தமிழ்நாடு காங். கமிட்டி தலைவர் செல்வப்பெருந்தகையின் மகள் நிச்சயதார்த்த விழாவில் முதல்வர் மு.க.ஸ்டாலின் பங்கேற்புவேளச்சேரி - பரங்கிமலை பறக்கும் ரயில் வழித்தடத்தில் மார்ச் 5 சோதனை ஓட்டம்திருமலையில் சந்திர கிரகணத்துக்குப்பின் மீண்டும் நடை திறப்பு: பக்தர்களுக்கு அனுமதி!மாநிலங்களவைத் தேர்தலில் தேமுதிகவுக்கு 1 இடம் ஒதுக்கீடு: திமுகவுடன் சுமூக உடன்பாடுமாநிலங்களவை உறுப்பினர் பதவிக்கு பாஜக தலைவர் நிதின் நவீன் போட்டி! இந்தியாவில் 25 நாள்களுக்கான கச்சா எண்ணெய், பெட்ரோல், டீசல் இருப்பு!மேற்கு ஆசிய பதற்றம்: கடந்த 48 மணிநேரத்தில் 8 நாடுகளின் தலைவர்களுடன் பிரதமா் மோடி ஆலோசனை!ஈரானில் நடான்ஸ் அணுசக்தி மையம் மீதும் தாக்குதல் - உறுதிசெய்த ஐஏஇஏஈரான் எந்தவொரு அணு ஆயுத தயாரிப்பிலும் ஈடுபடவில்லை - ரஷியா திட்டவட்டம்!பாகிஸ்தானுடன் தீவிர சண்டை - ஆப்கானிஸ்தானில் 42 பேர் பலி!நான்குநேரி கொலைச் சம்பவம்: 5 தனிப்படைகள் அமைத்து விசாரணை!ஈரானை உலுக்கிய நிலநடுக்கம்! மேலும் அதிகரிக்கும் பதற்றம்!அமெரிக்கா - இஸ்ரேல் தாக்குதலில் ஈரானில் 787 பேர் கொலை!
/

பிரம்மபுரம் சஞ்சீவிராயா் மலையில் ரூ.93.09 லட்சத்தில் புதிய காட்சி முனை

காட்பாடி வட்டம், பிரம்மபுரம் சஞ்சீவிராயா் மலை உச்சியில் ரூ. 93.09 லட்சம் மதிப்பில் புதிதாக அமைக்கப்பட்டுள்ள காட்சி முனையை வேலூா் மாவட்ட ஆட்சியா் வி.ஆா்.சுப்புலட்சுமி மக்கள் பயன்பாட்டுக்காக திறந்து வைத்தாா்.

News image
பிரம்மபுரம் சஞ்சீவிராயா் மலை உச்சியில் புதிய காட்சி முனையை திறந்து வைத்துப் பாா்வையிட்ட மாவட்ட ஆட்சியா் வி.ஆா்.சுப்புலட்சுமி.
Updated On :3 மார்ச் 2026, 6:32 pm

தினமணி செய்திச் சேவை

காட்பாடி வட்டம், பிரம்மபுரம் சஞ்சீவிராயா் மலை உச்சியில் ரூ. 93.09 லட்சம் மதிப்பில் புதிதாக அமைக்கப்பட்டுள்ள காட்சி முனையை வேலூா் மாவட்ட ஆட்சியா் வி.ஆா்.சுப்புலட்சுமி மக்கள் பயன்பாட்டுக்காக திறந்து வைத்தாா்.

வேலூா் மாவட்டம், காட்பாடி அருகே பிரம்மபுரம் சஞ்சீவிராயா் மலையில் அமைந்துள்ள ஸ்ரீ பிரசன்ன வெங்கடேச பெருமாள் கோயில் மிகவும் பழைமையானது. மலை உச்சியில் அமைந்துள்ள இந்த கோயிலுக்குச் செல்ல மலைப்பாதை, படிக்கட்டுகள் அமைக்கப்பட்டுள்ளன. இங்கு புரட்டாசி சனிக்கிழமைகள், விசேஷ நாள்களில் பக்தா்கள் பெருமளவில் திரண்டு சாமி தரிசனம் செய்வது வழக்கம்.

இந்த நிலையில், நீா்வளத்துறை அமைச்சா் துரைமுருகன் கோரிக்கையை ஏற்று, சுற்றுலாத் துறை சாா்பில் பிரம்மபுரம் சஞ்சீவிராயா் மலை உச்சியில் புதிதாக காட்சி முனை அமைப்பதற்காக ரூ. ஒரு கோடி நிதி ஒதுக்கீடு செய்யப்பட்டது. அதன் அடிப்படையில், சஞ்சீவிராயா் மலை உச்சியில் ஸ்ரீ பிரசன்ன வெங்கடேச பெருமாள் கோயில் அருகே ரூ. 93.09 லட்சம் செலவில் புதிய காட்சி முனைக்கான பணிகள் 100 சதவீதம் நிறைவடைந்து மாவட்ட ஆட்சியா் வி.ஆா்.சுப்புலட்சுமி திங்கள்கிழமை திறந்து வைத்தாா்.

தற்போது திறக்கப்பட்டுள்ள இந்த காட்சி முனை வேலூா் மாவட்ட மக்களுக்கு ஒரு சிறந்த பொழுதுபோக்கு, சுற்றுலாத் தலமாக விளங்கும் என எதிா்பாா்க்கப்படுகிறது. இது பொதுமக்களின் உடல் ஆரோக்கிய மேம்பாட்டுக்கும், அப்பகுதியின் சுற்றுப்புறச் சூழலை மேம்படுத்தவும் உதவும் என்றும் தெரிவிக்கப்பட்டுள்ளது.

இங்கு வரும் சுற்றுலாப் பயணிகளின் வசதிக்காக குடிநீா், கழிப்பறை போன்ற அடிப்படை வசதிகளும் ஏற்படுத்தப்பட்டுள்ளன. விழாவில், காட்பாடி ஒன்றியக் குழுத் தலைவா் வே.வேல்முருகன், ஒன்றியக் குழு துணைத் தலைவா் எஸ். சரவணன், ஒன்றியக் குழு உறுப்பினா் இலக்கியசந்துரு, பிரம்மபுரம் ஊராட்சி மன்றத் தலைவா் ராதாகிருஷ்ணன், மாவட்ட சுற்றுலா அலுவலா் (பொறுப்பு) முத்துசாமி உள்பட பலா் பங்கேற்றனா்.