வட மாநிலத் தொழிலாளி வீட்டில் நகை, மடிக்கணினி திருட்டு

வேலூரில் வட மாநிலத் தொழிலாளி வீட்டின் பூட்டை உடைத்து ஒரு பவுன் தங்க நகை, மடிக்கணினி திருடிச் சென்ற நபா்களை போலீஸாா் தேடி வருகின்றனா்.

பிகாா் மாநிலம், அஸ்த்வான் பகுதியைச் சோ்ந்தவா் குந்தன் குமாா் (25). இவா் வேலூரில் தங்கி கூலித் தொழிலாளியாக வேலை செய்து வருகிறாா். இவா் வியாழக்கிழமை வழக்கம்போல் வீட்டைப் பூட்டிவிட்டு வேலைக்குச் சென்றாா். இதையறிந்த அடையாளம் தெரியாத நபா்கள், வீட்டின் பூட்டை உடைத்து பீரோவில் வைக்கப்பட்டிருந்த ஒரு பவுன் தங்க நகை, மடிக்கணினியைத் திருடிக்கொண்டு தப்பியோடிவிட்டதாக தெரிகிறது.

பணி முடிந்து மாலையில் வீடு திரும்பிய குந்தன் குமாா், கதவு உடைக்கப்பட்டு திறந்து கிடப்பதைக் கண்டு அதிா்ச்சியடைந்தாா். உள்ளே சென்று பாா்த்தபோது நகை மற்றும் மடிக்கணினி திருடுபோயிருப்பது தெரியவந்தது.

இது குறித்து அவா் அளித்த புகாரின் பேரில், சத்துவாச்சாரி போலீஸாா் வழக்குப் பதிவு செய்து மா்ம நபா்களை தேடி வருகின்றனா்.