கொசிமா சார்பில் 25-இல் கண்காட்சி

கோவை சிட்கோ தொழில்பேட்டை உற்பத்தியாளர்கள் நலச் சங்கம் (கொசிமா) சார்பில் செப்டம்பர் 25-ஆம் தேதி விற்போர்-வாங்குவோர் சந்திப்பு, கண்காட்சி நடைபெறுகிறது.

இதுகுறித்து கொசிமா தலைவர் எம்.வி.லோகநாதன், செயலர் பி.நல்லதம்பி, தேசிய சிறுதொழில் கழக மண்டலப் பொது மேலாளர் வி.ஆறுமுகம் ஆகியோர் கூறியதாவது:

சிட்கோ தொழில்பேட்டை உற்பத்தியாளர் சங்கம் சார்பில் உற்பத்தியாளர், வாடிக்கையாளர் சந்திப்பு (ஜாப்கான் 2015) நடத்தத் திட்டமிட்டுள்ளோம். செப்டம்பர் 25-ஆம் தேதி தொடங்கி 27-ஆம் தேதி வரை, மதுக்கரை சாலை செங்கப்ப கோனார் திருமண மண்டபத்தில் நடைபெறும் இக்கண்காட்சியில் 50-க்கும் மேற்பட்ட விற்பனையாளர்கள், உற்பத்தியாளர்கள், 20-க்கும் மேற்பட்ட அரசு, தனியார் துறை நிறுவனங்கள் பங்கேற்கின்றன என்றனர்.