விசைத்தறி மோட்டாரில் சிக்கி தொழிலாளி சாவு

சூலூரை அடுத்த பொன்னாக்காணியில் விசைத்தறி கூடத்தில் பணிபுரிந்த தொழிலாளி விசைத்தறி மோட்டாரில் சிக்கி ஞாயிற்றுக்கிழமை பலியானார். 
சூலூரை அடுத்த சுல்தான்பேட்டைக்கு உள்பட்ட போகம்பட்டியில் வசிப்பவர் சதாசிவம் (40). இவர் பொன்னாக்காணியில் நடராஜ் என்பவரின் விசைத்தறி கூடத்துக்கு  ஞாயிற்றுக்கிழமை வேலைக்கு சென்றார். அங்கு பாதுகாப்புக் கருவிகள் இல்லாமல் மோட்டார் அருகில் விசைத்தறி பழுதை நீக்க சதாசிவம் முயன்றுள்ளார். 
இதில் எதிர்பாராதவிதமாக விசைத்தறி மின் மோட்டாரின் நாடாவில் அவர் சிக்கிக்கொண்டார். 
இதில் படுகாயம் அடைந்தவரை மீட்டு சூலூரில் உள்ள தனியார் மருத்துவ மருத்துவமனைக்குக் கொண்டு சென்றனர். ஆனால் வழியிலேயே அவர் இறந்துவிட்டதாக மருத்துவர்கள் தெரிவித்தனர். இதுகுறித்து சுல்தான்பேட்டை போலீஸார் வழக்குப் பதிவு செய்து விசாரணை செய்துவருகின்றனர். 
இறந்த சதாசிவத்துக்கு மனைவியும், 4 வயதில் மகனும் உள்ளனர்.