வியாபாரி வீட்டின் பூட்டை உடைத்து  6 பவுன், ரூ. 10 ஆயிரம் திருட்டு

வியாபாரி வீட்டின் பூட்டை உடைத்து 6 பவுன்  நகைகள், ரூ.10 ஆயிரத்தை மர்ம நபர்கள் திருடிச் சென்றனர்.
கோவை மாச்சாம்பாளையம் அம்மணியம்மாள் காலனியைச் சேர்ந்தவர் ஆப்ரஹாம் ஜெயக்குமார் (30), தள்ளுவண்டியில் உணவு விற்பனை செய்து வருகிறார். இவர் தனது குடும்பத்தினருடன் கடந்த ஒரு வாரத்துக்கு முன்பு உறவினர் வீட்டுக்குச் சென்றிருந்தார்.
இந்நிலையில், அவர் செவ்வாய்க்கிழமை காலை வந்து பார்த்தபோது வீட்டின் முன்பக்கக் கதவின் பூட்டு உடைக்கப்பட்டு, பீரோவில் இருந்த  6 பவுன் நகைகள், ரூ.10 ஆயிரம் பணம் திருடுபோனது தெரியவந்தது. இது குறித்து குனியமுத்தூர் போலீஸார் வழக்குப் பதிவு செய்து விசாரிக்கின்றனர்.