விவசாயிகளுக்கு ஆதரவு: கிணத்துக்கடவு காய்கறி சந்தை மூடல்

விளைநிலங்கள் வழியாக உயர்மின் கோபுரங்கள் அமைப்பதற்கு எதிர்ப்பு தெரிவித்து போராட்டம் நடத்திவரும் விவசாயிகளுக்கு ஆதரவு தெரிவித்து கிணத்துக்கடவு காய்கறி சந்தை திங்கள்கிழமை மூடப்பட்டது. 
தமிழகத்தில் இருந்து விளைநிலங்கள் வழியாக உயர்மின் கோபுரங்கள் அமைக்க மத்திய அரசின் பவர்கிரிட் நிறுவனம் பணிகளை மேற்கொண்டு வருகிறது. இதற்கு எதிர்ப்பு தெரிவித்து விவசாயிகள் சுல்தான்பேட்டையில் தொடர் உண்ணாவிரதப் போராட்டம் நடத்திவருகின்றனர். 
இந்நிலையில், விவசாயிகளின் போராட்டத்துக்கு ஆதரவு தெரிவித்தும், உயர்மின் கோபுரங்கள் அமைக்க எதிர்ப்பு தெரிவித்தும் கிணத்துக்கடவு தினசரி காய்கறி சந்தை திங்கள்கிழமை மூடப்பட்டது. இந்த சந்தையில் தினசரி சுமார் ரூ.40 லட்சத்துக்கும் மேல் வர்த்தகம் நடைபெறும் என்பது குறிப்பிடத்தக்கது.