சர்வதேச கராத்தே போட்டி: மலேசியா செல்லும் மாணவர்கள்

மலேசியாவில் நடைபெறும் சர்வதேச கராத்தே போட்டியில் பங்கேற்பதற்காக கோவை மாணவர்கள் 5 பேர் செல்கின்றனர். 
மலேசியாவில் உள்ள கோலாலம்பூரில் சர்வதேச கராத்தே போட்டிகள் ஜூன் மாத இறுதியில்  நடைபெறுகிறது. இதில் பங்கேற்பதற்காக மதுக்கரையை அடுத்த போடிபாளையத்தில் வேதாந்தா அகாதெமி சி.பி.எஸ்.இ. பள்ளியைச் சேர்ந்த 5 மாணவர்கள் தேர்வாகியுள்ளனர். 
இதில், மாணவர் நிமல், மாணவியர் தியா, பூர்வா, பவர்னிகா, சங்கமித்ரா ஆகியோர் பயிற்சியாளருடன் மலேசியா செல்ல உள்ளதாக பள்ளி முதல்வர் தெரிவித்துள்ளார்.