மேலாண்மைத் துறை வகுப்புகள் தொடக்க விழா

கோவை கண்ணம்பாளையம் கலைஞர் கருணாநிதி தொழில்நுட்பக் கல்லூரியில் மேலாண்மைத் துறை வகுப்புகள் தொடக்க விழா செவ்வாய்க்கிழமை நடைபெற்றது.
கல்லூரியின் இயக்குநர் பி.அன்பழகன் தலைமை வகித்தார். முதல்வர் என்.மோகன்தாஸ் காந்தி, துணை முதல்வர் எம்.ரமேஷ் ஆகியோர் முன்னிலை வகித்தனர். 
நிகழ்ச்சியில், தனியார் நிறுவனத்தின் மனிதவள மேம்பாட்டுப் பிரிவுத் தலைவர் குரு செல்வராஜ் சிறப்பு அழைப்பாளராக பங்கேற்றார்.
நிகழ்ச்சியில் அவர் பேசும்போது, போட்டி நிறைந்த இன்றைய காலகட்டத்தில் மாணவ-மாணவியர் வேலைவாய்ப்பைப் பெறுவதற்கு தங்களின் தனித் திறன்களை வளர்த்துக் கொள்ள வேண்டும். 
அதேநேரம் வேலையின் காரணமாக ஏற்படும் மன அழுத்தத்தைத் தவிர்ப்பதற்கும் தங்களை தயார்படுத்திக் கொள்ள வேண்டும் என்றார். மேலாண்மைத் துறை பேராசிரியர்கள், முதலாம் ஆண்டு மாணவ-மாணவிகள் பலர் இந்த நிகழ்ச்சியில் பங்கேற்றனர்.