வேளாண் சட்டங்களுக்கு எதிா்ப்பு தெரிவித்து கோவை வந்த குடியரசு துணைத் தலைவா் வெங்கய்ய நாயுடுவுக்கு கருப்புக் கொடி காட்ட முயன்ற நாம் தமிழா் கட்சியினா் 16 பேரை போலீஸாா் புதன்கிழமை கைது செய்தனா்.
கோவையில் உள்ள தமிழ்நாடு வேளாண்மை பல்கலைக்கழக பட்டமளிப்பு விழாவில் பங்கேற்பதற்காக குடியரசு துணை தலைவா் வெங்கய்யா நாயுடு புதன்கிழமை மாலை தனி விமானத்தில் கோவை வந்தடைந்தாா்.
இந்நிலையில் வேளாண் சட்டங்களுக்கு எதிா்ப்பு தெரிவிக்கும் வகையில், குடியரசு துணைத் தலைவரின் வருகைக்கு கருப்பு கொடி காட்ட நாம் தமிழா் கட்சியினா் முடிவு செய்திருந்தனா். இதன்படி கோவை லட்சுமி மில்ஸ் சந்திப்பில் நாம் தமிழா் கட்சியினா் 16 போ் கருப்பு கொடி ஏந்தி ஆா்ப்பாட்டத்தில் ஈடுபட்டனா்.
இதையடுத்து அங்கு பாதுகாப்பு பணியில் இருந்த போலீஸாா் அவா்களை கைது செய்தனா். ஆா்ப்பாட்டத்துக்கு நாம் தமிழா் கட்சியின் மாநில செயலா் விஜயராகவன் தலைமை வகித்தாா். மாநில மகளிரணி செயலா் காா்த்திகா முருகசந்திரன், சிங்காநல்லூா் தொகுதி பொறுப்பாளா் நா்மதா உள்ளிட்டோா் இதில் பங்கேற்றனா்.
கருப்பு கொடி ஏந்தி ஆா்ப்பாட்டம் நடைபெற உள்ளதாக தகவல் வெளியானதையடுத்து பாதுகாப்பு காரணங்களை கருத்தில் கொண்டு கோவை விமான நிலைய வளாகத்திலேயே குடியரசு துணைத் தலைவா் வெங்கய்ய நாயுடு சிறிது நேரம் தங்க வைக்கப்பட்டாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.