பூட்டிய வீட்டுக்குள் ஆண் சடலம் மீட்பு

கோவையில் பூட்டிய வீட்டுக்குள் கழுத்து அறுக்கப்பட்ட நிலையில் கட்டடத் தொழிலாளியின் சடலம் மீட்கப்பட்டது.

கோவை, சிவானந்தா காலனி காந்தி நகரைச் சோ்ந்தவா் ரவி (46). கட்டடத் தொழிலாளி. இவருக்கு 3 மகன்கள் உள்ளனா். ஓராண்டுக்கு முன்னா் ரவியின் மனைவி உயிரிழந்தாா். இதனால் ரவி மட்டும் தனியாக வசித்து வருகிறாா். ரவி வழக்கம்போல வேலை முடிந்து வீட்டுக்கு புதன்கிழமை மாலை வந்தாா். இந்நிலையில் வியாழக்கிழமை நெடு நேரம் ஆகியும் அவரது வீட்டின் கதவு திறக்கவில்லை.

இதனால் சந்தேகமடைந்த அக்கம்பக்கத்தினா் ஜன்னல் வழியாக வீட்டுக்குள் எட்டிப் பாா்த்தபோது கழுத்தறுக்கப்பட்ட நிலையில் ரவியின் சடலம் கிடந்தது.

தகவலின்பேரில் ரத்தினபுரி போலீஸாா் சம்பவ இடத்துக்கு வந்து சடலத்தை மீட்டு பிரேதப் பரிசோதனைக்காக கோவை அரசு மருத்துவமனைக்கு அனுப்பிவைத்தனா். இது தொடா்பாக போலீஸாா் வழக்குப் பதிவு செய்து விசாரித்து வருகின்றனா்.