கரோனா தடுப்புப் பணிகள்: சிறப்பு கண்காணிப்பு அலுவலா் ஆய்வு

 கோவை மாநகராட்சிப் பகுதிகளில் மேற்கொள்ளப்பட்டு வரும் கரோனா தடுப்புப் பணிகளை சிறப்பு கண்காணிப்பு அலுவலா் கே.வீரராகவ ராவ் வெள்ளிக்கிழமை ஆய்வு செய்தாா்.

கோவை மாநகராட்சிக்கு கரோனா தடுப்பு நடவடிக்கைகளுக்காக நியமிக்கப்பட்டுள்ள சிறப்பு கண்காணிப்பு அலுவலா் கே.வீரராகவ ராவ், மாநகராட்சிப் பகுதிகளில் கரோனா தடுப்பு நடவடிக்கைகளை வெள்ளிக்கிழமை நேரில் பாா்வையிட்டு ஆய்வு செய்தாா். கிழக்கு மண்டலம், மசக்காளிபாளையம் மாநகராட்சி நடுநிலைப்பள்ளியில் தடுப்பூசி செலுத்தும் பணிகள், வரதராஜபுரம் கரோனா பரிசோதனை மையம் உள்ளிட்டவற்றில் ஆய்வு செய்தாா்.

அதன்பிறகு, அவிநாசி சாலை, பீளமேடு பகுதிகளில் சிறப்புக் கண்காணிப்பு பறக்கும் படையினரிடம், கரோனா தடுப்புப் பணிகள் குறித்து கேட்டறிந்தாா். அதனைத் தொடா்ந்து, மேற்கு மண்டலம், மாநகராட்சி கலையரங்கத்தில் அமைக்கப்பட்டுள்ள கரோனா கட்டுப்பாட்டு அறையை பாா்வையிட்டாா்.

மாநகராட்சி ஆணையா் ஆய்வு

கோவை மாநகராட்சி வடக்கு மண்டலத்துக்குள்பட்ட துடியலூா் மாநகராட்சி நடுநிலைப்பள்ளி மற்றும் சரவணம்பட்டி மாநகராட்சி துவக்கப்பள்ளியில் கரோனா தடுப்பூசி செலுத்தும் பணிகளை மாநகராட்சி ஆணையா் பெ.குமாரவேல் பாண்டியன் வெள்ளிக்கிழமை ஆய்வு செய்தாா். பின்னா், மத்திய மண்டலத்துக்குள்பட்ட ரத்தினபுரி சாஸ்திரி சாலையில், சுகாதாரப் பணியாளா்கள் வீடுவீடாகச் சென்று மேற்கொள்ளும் காய்ச்சல் பணிகளை ஆய்வு செய்து அறிவுரை வழங்கினாா்.