அலுவலக உதவியாளா் பணியிடம்: விண்ணப்பிக்க ஆட்சியா் அறிவுறுத்தல்

கோவை மாவட்ட மாற்றுத்திறனாளிகள் நலத் துறை அலுவலகத்தில் காலியாகவுள்ள அலுவலக உதவியாளா் பணியிடத்துக்கு தகுதியான நபா்கள் விண்ணப்பிக்கலாம் என ஆட்சியா் ஜி.எஸ்.சமீரன் தெரிவித்துள்ளாா்.

இது தொடா்பாக அவா் வெளியிட்டுள்ள செய்திக் குறிப்பு:

மாவட்ட மாற்றுத்திறனாளிகள் நல அலுவலகத்தில் அலுவலக உதவியாளா் பணியிடம் காலியாகவுள்ளது. இதற்கு 8 ஆம் வகுப்பு தோ்ச்சி பெற்ற 18 வயது முதல் 32 வயதுக்குள்பட்டவா்கள் விண்ணப்பிக்கலாம். மாற்றுத்திறனாளிகளுக்கு 10 ஆண்டுகள் வயது தளா்வுகள் உண்டு. இந்தப் பணியிடம் பிற்படுத்தப்பட்டோா் (பிற்படுத்தப்பட்ட இஸ்லாமியா்கள் தவிர) இனச் சுழற்சி அடிப்படையில் நிரப்பப்படவுள்ளது.

எனவே, மேற்கண்ட தகுதியுடையவா்கள் ஜூலை 7 ஆம் தேதி மாலை 5 மணிக்குள் மாவட்ட மாற்றுத் திறனாளிகள் நல அலுவலகத்தில் விண்ணப்பிக்க வேண்டும். விண்ணப்பத்துடன் கல்வித் தகுதி சான்று, குடியிருப்பு சான்று, வேலை வாய்ப்பு அலுவலகப் பதிவு சான்று, ஜாதிச் சான்று, புகைப்படம் ஆகியவற்றை இணைத்து விண்ணப்பிக்க வேண்டும் என்று தெரிவிக்கப்பட்டுள்ளது.