கோவையில் வெளிப்படைத் தன்மையுடன் தோ்தல் நடத்தப்படும்: ஆட்சியா்

கோவையில் வெளிப்படைத் தன்மையுடனும், நோ்மையான முறையிலும் சட்டப் பேரவை தோ்தல் நடத்தப்படும் என்று ஆட்சியா் கு.ராசாமணி தெரிவித்துள்ளாா்.

ஆட்சியா் அலுவலகத்தில் செவ்வாய்க்கிழமை நடைபெற்ற செய்தியாளா்கள் சந்திப்பில் ஆட்சியா் கு.ராசாமணி பேசியதாவது:

தமிழக சட்டப் பேரவை தோ்தல் அறிவிப்பைத் தொடா்ந்து கோவையில் தோ்தல் நடத்தை விதிமுறைகள் அமல்படுத்தப்பட்டுள்ளன. தோ்தல் நடத்தை விதிமுறை மீறல்களைக் கண்காணிக்க பறக்கும் படைகள், நிலையான கண்காணிப்பு குழுக்கள் அமைக்கப்பட்டுள்ளன. மாநகா், புகா் பகுதிகளில் அரசியல் கட்சி சாா்பில் வைக்கப்பட்டிருந்த விளம்பரங்கள் அகற்றப்பட்டு வருகின்றன. கரோனா தொற்று காரணமாக வாக்காளா்களின் நலன் கருதி 1,379 வாக்குச் சாவடிகள் கூடுதலாக அமைக்கப்பட்டுள்ளன. 10 தொகுதிகளிலும் சோ்த்து 1,085 வாக்குப் பதிவு மையங்களில் 4,427 வாக்குச் சாவடிகள் அமைக்கப்பட்டுள்ளன.

இதில் வாக்குச் சாவடிகளின் எண்ணிக்கை, வேட்பாளா்களின் எண்ணிக்கையை அடிப்படையாக வைத்து 112 வாக்குப் பதிவு மையங்களில் 788 வாக்குச் சாவடிகள் பதற்றமானவையாக கண்டறியப்பட்டுள்ளன. கோவையில் சட்டம் ஒழுங்கு பிரச்னை காரணமாக பதற்றமான வாக்குச் சாவடிகள் என்பது இல்லை. தோ்தல் விதிமீறல்கள் தொடா்பாக புகாா் அளிக்க தோ்தல் கட்டுப்பாட்டு அறை ஏற்படுத்தப்பட்டுள்ளது. ஆன்லைன் மூலம் புகாா் அளிக்க சி-விஜில் செயலியும் அறிமுகப்படுத்தப்பட்டுள்ளது.

கோவையில் நடத்தை விதிகள் அமல்படுத்தப்பட்டதில் இருந்து இதுவரை 85 புகாா்கள் பதிவு செய்யப்பட்டுள்ளன. இதில் 15 புகாா்கள் மட்டுமே பரிசுப் பொருள்கள் வழங்குதல், வாக்காளா்களுக்குப் பணம் அளித்தல், போஸ்டா் ஒட்டுதல் உள்ளிட்ட விதிமீறல்கள் தொடா்பான புகாா்கள் ஆகும். அனைத்து புகாா்களும் ஆய்வு செய்யப்பட்டு நடவடிக்கை எடுக்கப்பட்டுள்ளது.

கோவை மாவட்டத்தில் 10 தொகுதிகளிலும் சுதந்திரமாகவும், வெளிப்படைத் தன்மையுடனும், நோ்மையுடனும் சட்டப் பேரவை தோ்தல் நடத்தப்படும். விதி மீறல்கள் தொடா்பாக பெறப்படும் புகாா்களுக்கு பாரபட்சமின்றி நடவடிக்கை எடுக்கப்படும். மதுபானக் கடைகளில் வழக்கத்துக்கு மாறாக விற்பனை நடைபெறுவது குறித்து கண்காணிக்கவும், விதிமீறல் குறித்தும் ஆய்வு செய்ய அறிவுறுத்தப்பட்டுள்ளது. தோ்தல் நடத்தை விதிமுறைகள் அமலில் உள்ளதால் ரூ.50 ஆயிரத்துக்கும் அதிகமாக பணம் எடுத்து செல்பவா்கள் அதற்கான ஆவணங்கள் வைத்திருக்க வேண்டும். கேரள மாநிலத்திலும் தோ்தல் அறிவிக்கப்பட்டுள்ளதால் எல்லைப் பகுதிகளில் ஏற்படும் பிரச்னைகள் குறித்து கேரள மாநில அதிகாரிகளுடன் பேச்சுவாா்த்தை நடத்த திட்டமிடப்பட்டுள்ளது.

கரோனா தொற்று பாதிப்பைக் கருத்தில் கொண்டு இம்முறை 80 வயதுக்கு மேற்பட்ட முதியவா்கள், கரோனாவால் பாதிக்கப்பட்டவா்கள், மாற்றுத் திறனாளிகளுக்கு தபால் வாக்குகள் வழங்குவதற்கு தோ்தல் ஆணையம் அறிவுறுத்தியுள்ளது. அதன்படி கோவையில் 64 ஆயிரத்து 680 மூத்த வாக்காளா்களும், 20 ஆயிரத்துக்கும் அதிகமான மாற்றுத்திறனாளிகள் வாக்காளா்களும் கண்டறியப்பட்டுள்ளனா். இவா்கள் விருப்பத்தின் அடிப்படையில் தபால் வாக்குகள் அளிக்கப்படும். இதற்கு மாா்ச் 12 முதல் 16 ஆம் தேதிக்குள் தோ்தல் நடத்தும் அலுவலா்களிடம் விண்ணப்பிக்க வேண்டும் என்றாா்.

செய்தியாளா்கள் சந்திப்பின் போது மாநகர காவல் ஆணையா் சுமித் சரண், மாவட்ட காவல் கண்காணிப்பாளா் அர.அருளரசு, மாவட்ட வருவாய் அலுவலா் த.ராமதுரை முருகன் மற்றும் தோ்தல் பிரிவு அதிகாரிகள் உடனிருந்தனா்.